Dowladda Itoobiya Oo Masjidka Ugu Weyn Ee Muslimiinta Ku Wareejisay Kooxo Shiico Ah.

Wararka ka imaanaya magaalada Addis Ababa ayaa sheegaya in dowladdu ay maamulka Masjidka Al-Anwaar ama Masjidul Kabiir ku wareejisay Kooxo wadaado shiico ah oo dhanka wadanka Lubnaan ka yimid.

Imaamkii Masjidka oo sunni ahaa ayaa la Eryay arrinkaas oo ka caraysiiyay kumanaan katirsan dadka muslimiinta sunniga ah ee ku dhaqan magaalada Addis Ababa iyo hareeraheeda.

Mu’adinkii Masjidka Al-Anwaar ayaa sheegay in ciidamo boolis ah ay gudaha ugaleen Masjidka iyagoo maamulka Masjidka si rasmi ah ugu wareejiyay kooxo shiico ah oo dowladda Itoobiya ay wadato.

iskusoo baxyo cabasho ah ayay muslimiinta sunniga ah ka dhigeen afaafka hore ee Masjidka ugu weyn magaalada Addis Ababa iyagoo dalbanayay xuquuqdooda balse majirin cid wax uqabatay.

Kooxo suufi Baadiniyiin ah ayaa la sheegay in bilihii lasoo dhaafay ay isku fidinayeen gobollada Muslimiintu ku badanyihiin ee Itoobiya waxayna kooxahaas qabsanayaan goobaha diinta islaamka lagu barto sida Madaarista iyo Masaajidda.

Hoggaamiyaasha muslimiinta Itoobiya ayaa dowladda Addis Ababa ku eedeeyay in ay gacan ka geysanayso faafinta Mad-habka baadilka shiiciga  waxaana ciriiri dhan walba ah wajahaya malaayiin katirsan muslimiinta sunniga ah.