Qarax Gaari Looga Gubay Ciidamada Kenya Oo Ka Dhacay Duleedka Dhoobley.

Qarax culus oo loo adeegsaday miinada dhulka lagu aaso ee meelaha fog laga hago waxaa lala beegsadayo kolanyo ka tirsan ciidamada Nasaarada Kenya oo ku socdaalayay wadada isku xirta deegaanka Taabto iyo degmada Dhoobley ee gobalka Jubbada hoose.

Idaacada Islaamiga ah ee Andalus ayaa baahisay in miinada ay haleeshay oo ay burburisay gaari gaashaaman oo ka mid ah gaadiidka ay wateen kolanyada Kenyaatiga ee qaraxa lala beegsaday.

Wararka laga helayo degmada Dhoobley waxey sheegayaan iney jiraan tiro askar Kenyaati ah oo dhimasho iyo dhaawac ku noqday qaraxa ka dhacay duleedka degmadaasi.

Qaraxan oo dhacay saqdii dhexe ee xalay waxaa kolanyada lala beegsaday isla xalay saqdii dhexe kasoo baxeen deegaanka Taabto kuwaasi oo doonayay iney sahay u doontaan gudaha Kenya.

Tani ayaa muujineysa in gabi ahaan ciidamada Kenya ka quusteen in maalin cad dhaqdhaqaaaq sameeyaan ama sahay ciidan doontaan balse arinta muhiimka ah waxey tahay in isla habeenkii Kowaad ee ciidamada Kenya bilaabeen in habeenimo sahay si qarsoodi ah ku doontaan laga gubay gaari Gaashaaman lagana dilay tiro askar Kenyaati ah.

Calamada.com

Comments are closed.