Shabaabul Mujaahidiin Oo Dagaal Kula Wareegay Deegaan Hiiraan Ka Tirsan.

Galabta casar liiqii mujaahidiinta Wilaayada Hiiraan waxay weerar culus ku qaadeen deegaan lagu magacaabo Ceelcadde oo 70 KM  dhanka galbeed kaga beegan magaalada Baladweyne.

Deegaanka la weeraray ayaa waxaa fariisin ku lahaa maleeshiyaadka Liyuu booliska waxaana mar qura lala dhacay rasaasta noocyadeeda kala duwan,mujaahidiinta oo sii qorsheystay weerarka ayaa waxay dhowr jiho ka weerareen deegaanka.

Muddo dagaal culus kadib waxay geesiyada Islaamku ku guuleysteen inay si buuxda ula wareegaan  Ceelcadde waxaana maleeshiyaadka ay u carareen dhanka xuduud beenaadka.

Dadka deegaanka ayaa idaacadda Andalus u sheegay in mujaahidiinta ay ku roondeeyeen  deegaanka maleeshiyaadkii ku sugnaana ay ka carareen rasaasta Mujaahidiinta.

Xaaladda deegaanka ayaa iminka deggan,saraakiisha mujaahidiinta ee hawl galka hor boodaya waxay soo sheegeen in tiro askar ah ay dileen sidoo kalena ay qanimeysteen hubkii ay wateen.

Xigasho Radioandalus24.com

Calamada.com

336 total views, 1 views today

Comments are closed.