Dowlada Uganda Oo Markale Ku Celisay Iney Ciidamadeedu Kala Baxeyso Somalia.

Mas’uul katirsan dowladda Uganda ayaa markale sheegay in ciidamada wadankaasi ee xoogga ku jooga dalka Soomaaliya ay dhowaan bilaabayaan dib ugurasho kadib 10 sanadood oo ay dagaal adag kula jireen Al Shabaab.

Safiirka dowladda Uganda ee Soomaaliya ayaa magaalada Muqdisho ka sheegay in Uganda ay safka hore uga jirto dowladaha ciidamad kala bixi doono Koonfurta Soomaaliya oo kumanaan askari ay ka joogaan.

Nethan Mghisha oo warbaahinta kula hadlay Muqdisho ayaa sheegay in ciidamadoodu ay waqti dhow bilaabayaan bixitaan “Ciidamadeenu waxay udiyaarsanyihiin in ay isaga baxaan dalka Soomaaliya” ayuu yiri Nethan Mghisha oo lahadlayay Telefeshinka NBS.

Mas’uulkan Yugaandheyska ah ayaa ka shanqariyay in goobaha ay ciidamadoodu baneeyaan ay la wareegi doonaan wax uu ugu yeeray ‘Ciidanka Somalia’ oo uu ula jeedo maleeshiyaadka Dowladda Federaalka.

Taliyaasha ciidamada Uganda ayaa bishii lasoo dhaafay sheegay in bisha December 2017 ay Soomaaliya ka saarayaan 281 Askari kuwaas oo qeyb ka ah qorshaha lagu dhimayo ciidamada AMISOM kadib markii Q.Midoobe iyo dowladaha Reergalbeedka ay awoodi waayeen sii wadidda maalgelinta ciidamada dalka kusoo duulay.

188 total views, 1 views today