Dibad Baxyada Ka Socda Iran Oo Sii Xoogeystay Iyo Madaxweynihii Hore Oo Xabsi La Dhigay.

Wararka ka imaanaya dalka Iiraan waxey sheegayaan iney sii xoogeyteen Dibad baxyada ka dhanka ah dowlada Shiicada Iiraan ee sida tooska ah uga socda dalkaasi.

Dibadbaxyadan ayaa ah mid shacabka dalkaasi kaga cabanayaan Shaqo la’aan baahsan iyo dib u dhaca xoogan oo dowlada Iiraan ay u horseeday bulshada dalkaasi,iyadoona Maalinba maalinta ka dambeyso Rabshadahu ay ku sii fidayaaan deegaano hor leh oo ka tirsan dalkaasi.

Wararkii ugu dambeeyay waxey sheegayaan in ciidamada dowlada Iiraan ay xabsiga dhigeen Madaxweynihii hore ee dalkaasi ninka lagu magacaabo Maxamuud Axmedi Najaad waxeyna wararku intaasi ku darayaan in amarka lagu xiray Najaad uu bixiyay Cali Khamaney, wadaadka Shiiciga ee ugu sareeya wadanka.

Najaad ayaa lagu eedeeyay inuu sii hurinayo dibad baxyada Rabshadaha wata ee ka socda dalka Iiraan iyo inuu ku booriyanayo dibad baxayaasha iney sii wadaan isu soo baxyada Rabshadaha wata.

Xariga ay dowlada Iiraan kula dhaqaaqday madaxweynihii hore ee dalkaasi Maxamuud Axmad Najaad ayaa muujineysa iney sii xumaatay xaalada cakiran ee ka jirta dalka Iiraan,iyadoona Najaadka la xiray uu taageero xoogan ku leeyahay gudaha shacabka Shiicada Iiraan.

Calamada.com

210 total views, 1 views today

Comments are closed.