Akhriso Magacyada Saraakiisha Dowlada Ee Askarta Alfa Group Ku Laayeen Duleedka Muqdisho.

Iyadoo  xalay  xarakada shabaabul mujaahidiin qarax xooggan ay la beegsatay kolonyo katirsan ciidamada shisheeyuhu tabaray ee Alfa group oo marayay dulleedka Magaalada Muqdisho ayaa haatan waxaa soo baxaya warar faafaahsan oo ifinaya khasaaro xooggan oo qaraxa kadib ciidamada Alfa group  ay ugaysteen ciidamo kale oo katirsan dowladda federaalka.

Kolonyada oo saldhigatay halka lagu qarxiyay ee Ceelasha biyaha islamarkaana wadada isku fidiyay ayaa dhulka ay xirtaan waxaa kusoo dhacay gaari ay la socdeen saraakiil iyo ciidamo katirsan dowladda federaalka.

Ciidamada Alfa group ee wadada uxirnayd ayaa rasaas oodada kaga qaada gaariga ay saarnaayeen ciidamada dowladda  sida laga soo xigtay illo wareedyo katirsan dowaldda federaalka.

Xildhibaan Mahad salaad oo katirsan Baarlamanka ayaa bogga uu ku leeyahay facebook waxa uu soo dhigay magacyada saraakiisha yo ciidamada lagu laayay dulleedka Magaalada Muqdisho.

Xildhibaan Mahad Salaad ayaa sheegay Ciidamada la laayay inay ka kala tirsanaayeen Guutada 3aad, Ururka 18aad iyo Guutada 6aad, Ururka 54aad ee Ciidanka Dowladda federaalka kuwaasi oo kusoo dhacay bartii ay xirteen ciidamada Alfa group.

Mahad salaad ayaa tacsi kadib waxa Qoray magacyada xubnaha naftooda ku waayay rasaasta ay fureen ciidamada katirsan sirdoonka dowladda ee loo yaqaanno alfa group.

“Waxaan tacsi udirayaa  eheladii iyo asxaabtii ay ka geeriyoodeen askartii Ciidanka Xooga Dalka Soomaaliyeed ee caawa lagu laayay deegaanka Siinka Dheer ee magaalada Mogadishu kuwaas oo kala ahaa:

  1. Laba Xidigle Da’ud Yuusuf Maxamed (Loowgàan)
    2-Xirsi Urur Diiriye 
    3. C/raxiin Qaalid Maxamed Suudi oo dhamaantooda geeriyooday iyo

Daahir Xasan Nuur Siyaad (oo dhaawac culus qaba)

Ayuu qoraalkiisa ku yiri xildhibaan Mahad Maxamed Salaad

Waxa uu ugu baaqay Taliyaaysha Ciidamada Milatariga iyo Nabad Sugidda in ay tilaabo deg deg ah ka qaadaan, sharcigana horkeenaan ciidamadii Nabad Sugida ee falkaas geystay.

Xarakada shabaabul mujaahidiinta ayaa sheegatay mas’uuliyada  qaraxa oo la rumaysanyahay in khasaaro xooggan ay kala kulmeen ciidamada Alfa grouo kuwaasi oo carro ay ka qaadeen weerarka dartiisa ulaayay ciidamada dowladda.

Soomaaliya waxaa ka dhisan ciidamo badan oo ka amar qaata dowladaha shisheeye ee soo tababaray ciidamadaasi.

Ciidamaduna malahan mabaadi’ ay kuwada shaqeeyaan iyo hal talis oo ay ka amar qaataan.

Xigasho Radioalfurqaan.com

Calamada.com

496 total views, 1 views today

Comments are closed.