War kasoo baxay Aqalka Madaxtooyada ee Dowladda Nasaarada ee Faransiiska ayaa waxaa lagu sheegay in Seddax Askari oo dalkaasi u dhashay inay ku dhinteen Qarax gaarigii ay saarnaayeen lagula beegsaday Waqooyiga Dalka Maali.
Madaxweynaha Faransiiska Gaalka lagu magacaabo Faranco Hollande ayaa Bayaan uu soo saaray waxa uu ku sheegay inuu aad ugu murugeysan yahay in laba Askari oo Faransiis ah oo Qaraxaas ku dhaawacmay inay u dhintaaan dhaawacyadii soo gaaray.
Maalintii Talaadadii ee aan soo dhaafnay ayaa Xukuumadda Paris waxay sheegtay in Qarax Miino oo ka dhacay magaalada Tasiilaat ee Waqooyiga dalka Maali inuu ku dhintay hal Askari oo Faransiis ah, laba kalena ay ku dhaawacmeen, hase yeeshee waxay goor dambe xaqiijisay in labada Askari ay u dhinteen dhaawicii kasoo gaaray Qaraxa lala eegtay gaarigooda.
Wasaaradda Gaashaandhigga ee Dowladda Faransiiska ayaa Qoraal ay dhankeeda soo saartay waxay ku sheegtay in Qarax loo adeegsaday Miino dhulka lagu aasay lagu bur buriyay gaari nooca gaashmaan oo ay la socdeen Ciidamo Faransiis ah, kuwaas oo qeyb ka ahaa kolonyo Lixdan gaari ka kooban oo ku socdaalayay Waqooyiga dalka Maali.
Dowladda Nasaarada ee Faransiiska ayaa horraantii Sannadkii 2012-kii waxay duullaan Saliibi ah ku qaaday Wadanka Maali, kadib markii gobollada dhaca Waqooyiga dalkaasi laga dhisay Imaaro islaami ah oo ay majaraha u heysay Xarakada Ansaaru Diin.
Faransiiska oo horey u gumeystay Wadanka Maali ayay u cuntami weysay in qeybo ka tirsan dalkaas laga hirgeliyo Nidaam islaami ah, wuxuuna ku qaaday duullaan ballaaran, kaas oo ugu dambeyntii keenay in Mujaahidiinta laga saaro gobolladii ay maamulayeen, balse waxay Mujaahidiinta billaabeen dagaal ku dhufo oo ka dhaqaaq ah oo ay ku naafeynayaan Ciidamada Saliibiyiinta Faransiiska iyo Maleeshiyaadka Murtaddiinta ah ee la socda, si loogu khasbo inay ka cararaan dhulka Muslimiinta ee ay kusoo duuleen.
