Wararka ka imaanaya dalka Suuriya waxay sheegayaan inay geeriyoodeen 17 ruux oo rayid ah kadib markii diyaaradaha dagaalka ee Nidaamka Nuseyriga ah ay duqeeyeen degmada Casaariif ee ku taalla duleedka magaalada Dimishiq ee Caasimadda dalkaasi.
Dad goob joogayaal ah ayaa sheegay in diyaaradaha dagaalku ay duqeeyeen Laba Iskuul iyo Isbitaal kuyaalla degmadaasi, halkaas oo ay gabbaad ka dhiganayeen toboneeyo ruux oo rayid ah, sidoo kale waxaa duqeyntaas ku dhaawacmay labaatameeyo kale, kuwaas oo dhaawacyadooa loola cararay Isbitallada deegaankaas kuyaalla.
“ Duqeynta koowaad waxaa lala beegsaday Xarunta Caafimaad ee degmada Casaafiir, kadibna diyaaraduhu waxay garaaceen gaari kuwa gurmadka deg degga ah oo doonayay inuu soo daad gureeyo Meydadka iyo dhaawacyada, iyadoo markaas kadib diyaaradaha dagaalku ay si ba’an u duqeeyeen dhismaha Iskuul ay Carruurtu wax ku baranayeenâ€. Sidaas waxaa yiri Wariye ka tirsan Wakaaladda Wararka ee Shaam.
Duqeyntan ayaa noqoneysaa tii ugu khasaaraha badaneyd ee Ciidamada Nidaamka Bashaar Al-Asad ay ka geystaan deegaannada ku hareereysan magaalada Dimshiq, tan iyo intii Maamulka Nuseyriga iyo Kooxaha Kacdoon wadayaasha ay gaareen heshiiska xabad joojinta ah.
Inkastoo labada dhinac ay gaareen heshiiska lagu sheegay xabad joojinta ayaa haddana Nidaamka Nuseyriga ah ee uu hoggaamiyo Bashaar Al-Asad waxay sii wadaan duqeymaha xagga Cirka ah iyo weerarrada xagga dhulka ah ee ay ku qaadayaan deegaannada ay ka taliyaan Kooxaha Mucaaradka Suuriya ee xiriirka la leh Dowladaha Dhawaaghiidda Carabta iyo kuwa reer galbeedka.
