War rasmi ah oo kasoo baxay Dowladda saliibiyadda Burundi ayay ku xaqiijisay in ciidamo badan looga dilay weerarkii aadka u xooganaa ee billaawgii isbuucaan ka dhacay deegaan katirsan wilaayada islaamiga Shabeellaha dhexe.
Afhayeen Melleteri oo u hadlay dowladda Burundi ayaa sheegay in ugu yaraan 6 askari looga dhigay weerar dhabbagal ah oo ciidamada mujaahidiintu ay u dhigeen ciidamo Burundeys ah xilli ay ku sugnaayeen duleedka degmada Balcad ee Sh/dhexe.
Korneel Falooriberti Biyereke oo ah Afhayeenka ciidamada Burundi oo maalintii Axadda warbaahinta kula hadlayay magaalada Bujumbura ayaa yiri “Xoogag katirsan Xarakada Argagaxisada Al Shabaab ayaa weeraray ciidamo Burundiyiin ah oo qeyb ka ah AMISOM xilli ay ku sugnaayeen degmada Balcad oo 30KM dhanka waqooyi bari uga beegan magaalada Muqdisho” .Wuxuu intaas sii raaciyay in 6 askari looga dilay weerarka islamarkaana weerarka ay ku waayeen 2 askari oo ay la’yihiin halka ay jaan iyo cirib dhigeen.
Mas’uulkan u hadlay dowladda saliibiyadda Burundi wuxuu carabaabay in dagaalkii aadka u xooganaa ee maalintii Sabtiga ciidamadooda ku qabsaday duleedka degmada Balcad ay si xun ugu dhaawacmeen illaa iyo sedax askari oo xaaladooda caafimaad laga dayrinayo.
Goor sii horraysay maalintii uu weerarku dhacay taliska ciidanka Shabaabul Mujaahidiin ayaa xaqiijiyay in weerar cagmarin ah ay ku dileen ugu yaraan 10 askari Burundeys ah oo qaar kamid ah meydadkooda lagu arkay goobta dagaalka halka kuwii badbaaday ay ku firxadeen dhulka howdka ah.
