Xukuumadda Asmara ayaa guulo waaweyn ka sheegatay dagaallo ay lagashay ciidanka dowladda Itoobiya ee dariska la ah.
Warsaxaafadeed kasoo baxay wasaaradda warfaafinta Ereteria ayaa lagu sheegay in dagaal 12,June,2016 ka bilaawday deegaan xuduudeedka Tsorona uu sababay khasaara lixaad leh oo gaaray ciidanka Itoobiya.
Asmara waxay sheegtay in dagaalka ay lagashay ciidanka Itoobiya uu jawaab u ahaa daandaansi ka dhan ah dhulka Ereteria iyadoona Itoobiya ku eedaysay in weerar ballaaran ay dhankeeda kusoo qaadday.
Dowladda Ereteria waxay sheegtay in 200 askari Itoobiyaan ah ay ku dishay dagaalkii Tsorona islamarkaana 300 oo kale ay ka dhawaacday Itoobiya.
Wasiirka warfaafinta Itoobiya ayaa laba maalmood ka hor sheegay in ciidan badan lagu dilay dagaal xuduudeedka labada dal dhaxmaray balse ma sheegin tirada rasmiga ah ee Itoobiya laga dilay.
Dhinaca kale waxa loogu yeero Q.Midoobe ayaa ugu baaqday labada dal ee dagaallamaya in si degdeg ah ay xabadda ku joojiyaan.
Itoobiya iyo Ereteria waxaa u dhaxeeya colaad soo jireen ah tan iyo markii Ereteria ay ku dhawaaqday in ay ka go’day Itoobiya sanaddii 1994.
Dhinaca kale xoogag hubeysan ayaa caawa fiidkii xaafadda Suuq Bacaad ee degmada Yaaqshiid ku dilay mas’uul katirsanaa maamulka gobolka Banaadir.
