Rag hubeysan ayaa degmada Xamar Weyne ee magaalada Muqdisho ku dilay sarkaal sare oo katirsanaa ciidamada dowladda Federaalka.
Goob joogayaal ku sugan degmada Weerarku ka dhacay ayaa warbaahinta u sheegay in xoogag hubeysan ay toogasho ku dileen Gaashaanlle Sare Cabdul Qaadir Ibraahim Cabdulle oo kamid ahaa saraakiisha ciidamada dowladda.
Raggii dilka geystay ayaa si nabad gelya ah goobta uga baxsaday, Xarakada Shabaabul Mujaahidiin ayaa durbadiiba sheegatay mas’uuliyadda weerarka “Mujaahidiinta ayaa degmada Xamar Weyne ku khaarijiyay Sarkaal katirsanaa kooxda Ridada oo darajadiisa ciidan ay aheyd Gaashaanlle Sare” ayaa lagu yiri warka kasoo baxay Xarakada Mujaahidiinta Al Shabaab.
Goobta uu weerarku ka dhacay ayaa ah mid xasaasi ah waxaana aad ugu xooggan askarta iyo saraakiisha dowladda Federaalka, maalin ka hor ayay aheyd markii sidaan oo kale Xarakada Mujaahidiinta Al Shabaab ay qarax ku dishay saraakiil ku sugnaa halka loo yaqaan Daljirka Daahsoon oo aan sidaas uga fogeyn xarumaha waaweyn ee dowladda.
416 total views, 2 views today
