Tobanaan qof ayaa dhimasho iyo dhaawac ku noqday dagaallo dib ugasoo cusboonaaday deegaanno katirsan wadanka Itoobiya.
Wararka ka imaanaya mandiqadda Mooyaale ee dhacda Koonfurta wadanka Itoobiya ayaa sheegaya in dagaallo culus oo halkaas ku dhaxmaray maleeshiyaadka maamulka Oromia iyo shacabka Soomaalida ay sababeen dhimashada ugu yaraan 21 qof.
Mas’uul u hadlay dowladda Xabashida Itoobiy ayaa warbaahinta u sheegay in kumanaan qoys oo deganaa degmada Mooyaale ay ubarakaceen dhanka wadanka Kenya si ay uga gabaadsadaan rasaasta ay is dhaafsanayeen dhinacyada ku dagaallamaya Mooyaale.
Wakaaladda wararka Itoobiya ayaa faafisay in 81 qof ay dhimasho iyo dhaawac ku noqdeen dagaallada Mooyaale ka socda, ugu yaraan 5 kun oo qoys ayaa la sheegay in ay ubarakaceen dhanka Itoobiya, goob joogayaal ayaa u sheegay warbaahinta iyo ciidamada Oromada ee dowladda Itoobiya hoos taga ay gubeen dukaamo ganacsi iyo guryo ay leeyihiin shacabka Soomaalida.
Dadka Soomaalida ee lagu dilay dagaalka Mooyaale ayaa lagu sheegay 16 qof oo ubadan carruur iyo haween, waxgaradka Soomaaligalbeed ayaa colaadda Mooyaale ku eedeynaya in ay hurinayaan wasiirro katirsan dowladda Itoobiya oo kasoo jeeda qowmiyadda Oromada.
Tan iyo markii uu R/wasaaraha Itoobiya noqday Abiy Axmed ayay sare usii kacayeen colaadaha u dhaxeeya Oromada iyo Soomaaliya, dad ku dhow 700 oo qof ayaa la rumeysanyahay in ay ku dhinteen colaadda labada dhinac u dhaxaysa waxaana jira in maleeshiyaadka maamulka Oromada ay isku fidinayaan degmooyin iyo tuulooyin katirsan dhulka Soomaaligalbeed.
304 total views, 2 views today
