Mujaahidiinta Jabhatu Nusrah ayaa soo bandhigtay 14 Maxbuus oo ka tirsan Ururka Shiiciga ah ee Xizbu Sheydaan, kuwaas oo ay ku qabato weerar gaadmo ah oo ay ku qaadday Fariisin ay Maleeshiyadaasi ku lahaayeen Mandiqadda Al-Qalamuun ee Dalka Suuriya.
Bayaan kasoo baxay Jabhadda ayaa waxaa lagu sheegay in Ciidankooda oo kaashanaya Liwaaga lagu magacaabo Al-Qaadisiya inay weerar qorsheysan ku qaadeen Saldhigga Al-Safaa ee kuyaalla galbeedka Mandiqadda Al-Qalamuun, waxaana howl-galkaas lagu dilay toboneeyo ka tirsan Ciidamada Nidaamka Bashaar Al-Asad iyo kuwa Ururka Xizbu Sheydaan, halka sidoo kale gacanta lagu dhigay 14 Maxaabiis ah.
Mujaahidiintu waxay sidoo kale sheegeen in howl-galkaasi gaarka ah ay sidoo kale kusoo ghaniimeysteen gaari Taangi ah iyo hub iyo Saanad kale oo aad u badan, iyadoona intii iska hor imaadka uu socday waxyeello xooggan la gaarsiiyay gaari kale oo Taangi ah.
Dhinaca kalena waxaa weli sii soconaya gumaadka ay Muslimiinta Suuriya kala kulmayaan duqeymaha arxan darrida ah ee ay geysanayaan diyaaradaha dagaalka ee Bashaar Al-Asad iyo kuwa Dowladda Saliibiyada ee Ruushka.
Inkabadan 20 ruux oo Muslimiin ah ayaa ku nafwaayay duqeyn Cadowtooyo oo maalintii shalay diyaaradaha Nidaamka Nuseyriga ah ay ka geysteen Mandiqadda Darkuush ee dhacda baadiyaha Gobolka Idlib ee Waqooyiga dalkaasi.
Sidoo kale duqeymo kuwaas la mid ah ayaa waxay ka dhaceen deegaanno ka tirsan Gobolka Xalab, waxaana duqeymahani ay kusoo beegmayaan xilli Dowladda Ruushka ay ku dhawaaqday inay dib u billowday duqeymaha, kuwaas oo ay sheegtay inay hakad gelisay intii lagu guda jiray Maalmihii Ciiddul Fidriga, balse goob joogayaasha Suuriya ku sugan waxay soo warinayaa inaysan duqeymahaasi marnaba istaagin.
