Qaraxan oo dhawaaqiisa si aad ah looga maqlay deegaano badan oo dhaca wadada isku xirta Muqdisho iyo Afgooye ayaa lala beegsaday kolanyo gaadiid ah oo ay la socdeen maleeshiyaatka dowlada Ridada federaalka.
Qaraxa waxa uu ka dhacay agagaarka deegaanka Xaawo Cabdi oo ka mid ah deegaanada u dhaxeeya magaalada Muqdisho iyo degmada Afgooye’iyadoona qaraxa loo adeegsaday miinada dhulka lagu aasa.
Goob-joogayaal goobta qaraxa ka agdhawaa oo la hadlay warbaahinta ayaa sheegay in miinada ay haleeshay mid ka mid ah gaadiidkii ay wateen maleeshiyaatka dowlada federaalka kaasi oo burbur xoogan uu soo gaaray.
Sidoo kale qaraxa ayaa sababay dhimasho iyo dhaawac soo gaartay maleeshiyaatka dowlada Ridada walow si rasmi ah aan loo xaqiijin tirada askarta ku dhimatay iyo kuwa ku dhaawacmay qaraxaasi.
Qaraxan ayaa kusoo aadaya xilli saacadihii lasoo dhaafay gudaha magaalada Muqdisho ay ka dhaceen weeraro qorsheysan oo qaarkood lagu dilay saraakiil ka tirsan maamulka Ridada federaalka.
Muuse Malaay.
Calamada Online.
Muqdisho Somali.
