Qarax aad u xoogan oo ay ku hoobteen mas’uuliyiin ka tirsan maamulka Gaala Raaca isku magacaabay ‘HiirShabelle’ ayaa saaka ka dhacay Wadada u dhexeysa Magaalooyinka Balcad iyo Jowhar ee sh/dhexe sida ay xaqiijisay warbaahinta ku hadasha Afka Xarakada Al-Shabaab.
Qaraxan oo ahaa miinooyinka dhulka lagu aaso ayaa lala eegtay gaari nooca raaxada ah oo ay la socdeen mas’uuliyiin ka tirsan maamulka ‘HiirShabelle’ xilli uu marayey afaafka tuulada Gololeey ee u dhexeysa degmooyinka Balcad iyo Jowhar ee gobolka Shabeelada Dhexe.
Saraakiil ka tirsan Xarakada Mujaahidiinta Al-Shabaab oo la hadlay Idaacada Andalus ayaa sheegay in howlgalkaas oo ahaa mid qorsheysan lagu khaarijiyey mas’uuliyiintii bartilmaameedka ahaa, uuna u dhacay sidii loo qorsheeyay.
“Allaah fadligii howlgalku wuxuu u dhacay sidii loo qorsheeyey, waxaana lagu dilay cadowgii bartilmaameedka ahaa” ayuu yiri Afhayeenka ciidanka Xarakada Mujaahidiinta Al-Shabaab Sheekh Cabdi Casiis Abuu Muscab oo la hadlay Idaacada Andalus.
Qaraxan ayaa inta la xaqiijiyey waxaa lagu dilay Sabriye Cusmaan Toxoboow oo ahaa waziirkii hore ee ganacsiga ee maamulka ‘HiirShabelle’ hadana ahaa la taliyaha madaxweynaha maamulkaasi.
Waxaa sidoo kale lagu dilay gudoomiye ku xigeenkii dhanka maaliyada ee gobolka Sh/dhexe Cabdullaahi Shetaawe iyo Xasan Baldoos oo ahaa sarkaal u shaqeeya hay’adaha sirdoonka ee gaalada sida ay sheegeen saraakiisha Xarakada Al-Shabaab.
Hal askari oo la socday mas’uuliyiintaas ayaa la sheegay inuu ka mid ahaa dadka dhintay, halka gaarigii ay la socdeena uu bool bool u kala faniinay.
Wadada u dhexeysa Jowhar iyo Muqdisho ayaa noqotay meel ay Xarakada Al-Shabaab ku ugaarsato madaxda iyo saraakiisha maamulka ‘HiirShabelle’ waxaana xusid mudan in dhowrjeer wadadaas lagu laayey saraakiil, Xildhibaano iyo madax ka tirsan maamulkaasi.
