Warar dheeraad ah ayaa laga helayaa weerar culus oo Ciidamo ka tirsan Katiibada Istish-haadiyiinta Imaarada Islaamiga Afghanistan ay ku qaadeen Xaafad dhacda Bartamaha Magaalada Kaabul ee Caasimadda Dalka Afghanistan.
Xaafadda Green Willich oo ah xaafadda la weeraray waxaa dagan Hey’adaha kala duwan ee Saliibiyiinta Mareykanka iyo kuwa Isbaheysiga NATO ee duulaanka ku jooga dalka Afghanistan.
Weerarkan ayaa lagu daahfuray Camaliyad Istish haadiyo ah oo uu fuliyay Halyeey ka tirsan Katiibada Istish-haadiyiinta Imaarada Islaamiga Afghanistan Mujaahidkaasi oo lagu magacaabo Al-mullah Anas Al-helmandi kaasi oo Gaari Xamuul ah oo laga soo buuxiyay Waxyaabaha Qarxa ku daahfuray Camaliyadda waxeyna Camaliyaddan dhulka dhigtay qeyba badan oo Xaafaddaasi ah.
Intaasi kadib waxaa Weerar Ingimaasi ah ku galay Green Willich Afar Mujaahid oo kala ah Mujtabi oo kasoo jeeda Wilaayada Meydan Work, Muxamed oo kasoo jeeda Wilaayada Gazni, Xaafid Axmed oo kasoo jeeda Wilaayada Baktiya iyo Ibraahiim oo kasoo jeeda Wilaayada Kaabul waxeyna gudaha Xarumaha Hey’daha Saliibiyiinta ee Xaafadaasi ka dhex dagaalamayeen inka badan Labo iyo Toban Saac oo xiriir ah.
Xaafaddan waxey Saliibiyiinta ku lahaayeen 1800 oo Qol oo ay deganayeen Saliibiyiinta, Xaruma Tababar, Hoteelo iyo Xafiisyo kale oo ay ku shaqeynayeen, iyadoona inta badan Dhismooyinkaasi dhulka la dhigay.
Bayaan kasoo baxay Imaarada Islaamiga Afghanistan kuna saxiixanyahay Afhayeenka Imaarada Islaamiga Afghanistan Sheekh Dabiixullaahi Mujaahid ayey Imaarada ku xaqiijisay in Camaliyaddan Barakeysan lagu dilay Tobaneeyo ka tirsan Saliibiyiinta tiro kalane lagu dhaawacay.
Bayaanka Imaarada ayaa sidoo kale lagu xusay in Weerarkaan Jawaab celin u yahay Weerarada Habeen dheelmadka ah iyo duqeymaha Wuxuushnimada ah ee Diyaaradaha Saliibiyiinta Mareykanka ka fuliyaan gudaha Dalka Afghanistan kuna xasuuqaan Shacabka Muslimka ah ee Reer Afghanistan.
Halkan Hoose Ka Daawo Sawirrada Weerarka Lala Beegsaday Xaafadda Green Willich.
