Ciidamada Xarakada Shabaabul Mujaahidiin ayaa la wareegay deegaanka Kabtan-laas ee gobalka Shabeelada hoose kadib dagaal muddo socday oo halkaasi ku dhexmaray ciidamada Mujaahidiin iyo maleeshiyaatka dowlada Ridada federaalka.
Maleeshiyaatka dowlada ayaa gabi ahaan isaga cararay deegaanka’iyadoona ciidamada Shabaabul Mujaahidiin si buuxda ula wareegeen gacan ku heynta deegaanka Abuu Xamza Al-muhaajir oo horay loo aqooni jiray Kabtanlaas.
Idaacada Islaamiga ah ee Andalus ayaa baahisay in ciidamada Mujaahidiinta ay dab qabadsiiyeen difaacyadii iyo fariisinkii maleeshiyaatka Murtadiinta ay kal hore ka sameysteen deegaankaasi.
Dhanka kale ciidamada Mujaahidiinta ayaa weerar dhabba gal ah u dhigay gaari Cabdi bile ah oo ay la socdeen maleeshiyaatka dowlada federaalka kuwaasi oo gurmad ahaan uga soo baxay deegaanka Shalambood kuna sii jeeday dhanka deegaanka Kabtan-laas.
Warar hoose ayaa sheegaya in waxyeelo la gaarsiiyay gaariga Cabdi bilaha sidoo kale ay jiraan tiro askar ah oo dowlada Ridada federaalka dhimasho iyo dhaawac kaga noqday kamiinka kuwaasi oo ugu dambeyntii dib ugu laabtay deegaanka Shalambood.
Calamada.com
