Akhriso Bishii Ramadan Oo Gudaha Afghanistan Lagu Dilay 2002 Askari.

Imaarada Islaamiga Afghanistan ayaa soo saartay Tirikoob ku aadan weeraradii ay fuliyeen ciidamada Mujaahidiinta Dhaalibaan bishii Ramadan oo Toban Maalmood ka hor aan sagootinay,sidoo kale Imaarada ayaa soo bandhigtay Tirada askarta iyo saraakiisha ah ee maamulka daba dhilifka Kaabul looga dilay weerarkaasi.

Shaxda qoraalka oo si heer sare ah loo soo habeeyey ayay ku faahfaahiyeen Mujaahdinta dhamaan howl galadii ka dhacay gobolada Afghanistan  iyadoo gobol kasta magaciisa lagu hor qoray inta howl gal ee Mujaahidiintu ay ka fuliyeen.

Marka la isku daro tirada howl galada Bisha Ramadaan ayay Imaaradu ku sheegtay inay gaarayaan (837)Sideed Boqol Soddon Iyo Todobo  weerar oo kala duwan, kuwaas oo ay ku jiraan Afar Camaliyaad oo Istish-haadiyo ah oo kakala dhacay gobolada Helmand, Gazni iyo Logar.

Maleeshiyada xukuumada Ashraf Gani ayaa howl galadan looga dilay askar iyo Saraakiil gaareysa (2002)Labo Kun Iyo Labo  askari, oo siyaaba kala duwan Mujaahdiintu u beegsadeen, waxaana laga dhaawacay (1152) Kun Boqol Konton Iyo Labo askari oo ah isla maleeshiyaatka maamulka Kaabul.

Gaadiidka Ashraf Gani  laga gubay waxa ay gaarayaan (316) Saddex Boqol Lix Iyo Toban gaari oo isugu jira, kuwa gaashaaman, kuwa ciidanka qaada iyo Taangiyo,ugu danbeyn qoraalka ayaa lagu sheegay in Mujaahidiinta Dhaalibaan  ay ku guuleysteen inay dhulka soo dhigaan Hal diyaarad oo ah nooca Helicopterka loo yaqaan oo ay lahaayeen Maleeshiyada xukuumada Kaabul ee uu hogaamiyo Ashraf Gaani.

Tirikoobkan ayaa muujinaya baaxada uu la egyahay Dhiig baxa xoogan ee Bishii Ramadan ay la kulmeen maleeshiyaatka iyo saraakiisha maamuka Kaabul oo ah maamul dowlada Saliibiyadda Mareykanka ay ka dhisatay dalka Afghanistan.

Calamada.com

Comments are closed.