Boqorka Aala-Sucuud Oo Dhulka Xarameynka Ku Soo Dhaweeyey Baadari Ka Tirsan Kaniisadda Nasaarada.

Salmaan bin Cabdil-Caziiz oo ah boqorka Aala-Sucuud ayaa dhulka barakeysan ee Xarameynka kusoo dhaweeeyay madaxa waxa loogu yeero “ isku soo dhaweynta diimaha” oo kamid ah kaniisadda Nasaarada.

Baadariga lagu soo dhaweeyey dhulka Xarameynka oo lagu magacaabo Jan Lowi Toran ayaa kulan la yeeshey mas’uuliyiin kala duwan oo uu ku jiro boqorka  Aala-Sucuud, waxaana maamulka Aala-Sucuud uu ku tilmaamay booqashadan mid taariikhi ah.

Baaderiga ayaa wuxuu kaloo booqday xarunta machad lagu magacaabo Ictidaal oo maamulka Aala-Sucuud uu furay markii Trump uu booqasho ku tagay Xarameynka, machadkaas oo dagaal kula jira nusuusta sharciga ah ee ka hadleysa Al-walaa wal-baraa, Jihaadka iyo xaakimiyada Shareecada.

Baadariga iyo wafdiga katirsan kaniisadda Fatikanka ayaa mas’uuliyiinta maamulka Aala-Sucuud kala hadlay qaababka ugu wanaagsan ee loola dagaalami karo Jamaacaadka jihaadiga ee ka jira caalamka islaamka.

Aala-Sucuud ayaa maalinba maalinta ka dambeysa waxay ka xuub siinayaan shareecada islaamka, iyagoona dhulka ugu dahirsan ee Alle amray in laga saaro dadka gaalada ah kusoo dhaweynaya cadowga ugu weyn ee Muslimiintu leeyihiin.