Malaayiin qof oo katirsan dadka reer Britain ayaa u codeeyay in ay ka baxaan Ururka Midowga Yurub kadib cod bixin si toos ah maalintii shalay kaga bilaabatay gobalada iyo magaalooyinka dalkaasi.
Maamulyaasha wadanka Ingiriiska ayaa ku dhawaaqay in lasoo gaba gabeeyay tirinta codbixintii shalay dhacday iyadoona shacabku isku raaceen in Britain ay ka baxdo Ururka Midowga Yurub ee 28-ka dal ka kooban.
R/wasaaraha dowlada Nasaarada Ingiriiska David Cameron ayaa isna shaaciyay in xilka uu iska casili doono bisha October kadib markii shacabkiisu ay kasoo horjeesteen kasii mid ahaashiyaha Ururka EU.
Axzaabta mucaaradka Britain ayaa durbadiiba bilaabay dabaal degyo ballaaran kadib markii shacabka Ingiriiska ay ku codeeyeen “Britain haka baxdo Midowga Yurubâ€.
Madaxda Bankiyada iyo shirkadaha ganacsiga ugu waaweyn Ingiriiska ayaa iyana walaac ka muujiyay in dhaqaalaha wadanka uu hoos u dhac ku imaan doono kadib ka bixitaankii UK ee EU.
Dowlad goboleedyada Scotland iyo Waqooyiga Ireland dadka ku dhaqan waxay u codeeyeen kasii mid ahaashiyaha UK ee Midowga Yurub.
Dhinaca kale axzaabta siyaasadda ee wadamada Denmarka,Holland iyo Norway ayaa ku baaqay in la qaado afti lamid ah middaay qaadeen dadka Ingiriiska.
