Cabsi Ka Jirta Degmada Cabudwaaq Iyo Dhimasho Iyo Dhaawac Ka Dhashay Iska Hor’imaadka.

Degmada Cabudwaaq gobalka Galgaduud ee Bartamaha dalka Somalai waxaa ka dhacay iska hor’imaad sababay khasaara Nafeet.

Iska hor’imaadkan waxa uu dhexmaray maleeshiyaatka maamulka Ashahaado la dirirka isku magacaabay Galmudug iyo sidoo kale Ganacsato hubeysan gaar ahaan ganacsatada qaadka ee degmadaasi.

Iska hor’imaadkan ayaa yimid kadib markii maamulka gaala raaca Galmudug isku dayay inuu hubka ka dhiga ganacsatadaasi balse ganacsatada qaadka ayaa diiday iney hubka dhigaan waxeyna taasi sababtay in gudaha degmada ka qarxa dagaal xoogan oo dhexmaray ganacsatada deegaanka iyo maleeshiyaatka maamulka Ridada Galmudug.

Inta la xaqiijiyay iska hor’imaadkaasi waxaa ku dhintay hal ruux mid kalane waa ku dhaawacmay waxeyna wararka la helayo sheegayaan in wali xaalada degmada Cabudwaaq ay kacsantahay,iyadoona ganacsatada hubeysan iyo maleeshiyaatka Ashahaado la dirirka Galmudug ay isku horfadhiyaan gudaha degmadaasi.

Iska hor’imaadkan ayaa imaanaya xilli dhawaan sidoo kale deegaan dhaca duleedka degmada Dhuusa mareeb ee gobalka Galgaduud uu ka dhacay iska hor’imaad xoogan oo dhexmaray maleeshiyaat Beeleed hubeysan iyo kuwa maamulka gaala raaca Galmudug,iyadoona inta badan deegaanada uu maamulo maamulka Ashahaado la dirirka ay kusoo laablaabtaan iska hor’imaadyada dhexmara dadka deegaanka iyo maleshiyaatka Galmudug.

Comments are closed.