Wararka ka imaanaya degmada Buulo burte ee gobalka Hiiraan ayaa sheegaya in saacadihii lasoo dhaafay gudaha degmadaasi ay ku wada dagaalameen maleeshiyaatka dowlada Ridada federaalka iyo ciidamada Ridada Jabuuti.
Qaar ka mid ah dadka shacabka ee ku dhaqan degmada Buuloburte oo la hadlay warbaahinta ayaa sheegay in iska hor’imaadka labada maleeshiyo uu ka dhacay gudaha qeybta qaadka ama jaatka lagu iibaya ee suuqa degmadaasi.
Iska hor’imaadka ayaa bilowday kadib markii ciidamada Jabuuti isku dayeen in si xoog ah qaad kaga qaataan mid ka mid ah haweenka qaadka ku iibiyo suuqa degmada balse maleeshiyaat ka tirsan dowlada Ridada federaalka oo ku beel ah haweeneyda ayaa is hor istaag ku sameeyay qorshaha ciidamada Jabuuti taasi oo sababtay in halkaasi uu iska hor’imaad ka dhaca.
Si rasmi ah looma xaqiijin karo khasaaraha maleeshiyaatka dowlada federaalka iyo ciidamada Ridada Jabuuti kasoo gaaray iska hor’imaadka ku dhex maray gudaha degmada Buuloburte’sidoo kale ilaa iyo hada lama soo sheegin wax dad shacab ah oo dhimasho iyo dhaawac ku noqday iska hor’imaadkaasi.
Dhanka kale maleeshiyaat ka wada tirsan dowlada Ridada federaalka ayaa saacadihii lasoo dhaafay ku wada dagaalamay gudaha degmada Beledweyne ee xarunta gobalka Hiiraan.
Calamada.com
