Ciidamada Xabashida Oo Dharaar Cad Weerar Kala Kulmay Shabaabul Mujaahdiin.

Saldhigga ciidamada xabashida Itoobiya ee degmada Baardheere ayaa dharaar la kulmay weerar aad u xooggan oo kaga yimid dhanka xarakada shabaabul Mujaahidin. halkaas oo laga soo tabiyay iska hor’imaad hubeysan oo dhex maray labada dhinac.

Ciidamada MUjaahidiintu waxay dhowr jiha ka weerareen saldhigga ciidamada dowladda Itoobiya ay ka samaysteen garoonka magaalada Baardheere ee wilaayada Gedo. goobjoogeyaashu waxay soo wariyeen inay maqlayeen deryanka madaafiicda iyo hubka la isku adeegsanayay dagaalka labada dhinac.

Ilo xog-ogaal ah waxay soo wariyeen in weerarkaas oo ay hoggaankiisu hayeen ciidamada xarakada Mujaahidiinta Al-shabaab khasaare dhimasho iyo mid dhaawac lagu gaarsiiyay ciidamada xabashida Itoobiya wallow aanan lasoo gudbin tiro rasmi ah oo ku aadan khasaaraha maadaama uu dagaalku dhacay gabaldhicii maanta xogo dheeraad ahna aan laga helin.

Ciidamada xabashida Itooboya ee duullaan gaaleedka ku jooga magaalada Baardheere ee wilaayada Gedo waxay dhowr jeer oo hore la kulmeen weeraro toos ah oo kaga yimid dhanka Mujaahidiinta weerarkan ayaana ku biiraya weerarada ka dhanka ciidamada shisheeye.

Halkan Kala Soco Wararka Deg Dega Ah Ee Website-ka Calamada.

Calamada.com

Comments are closed.