Dagaal Ka Dhacay Degmada Afmadow Ee Gobalka Jubbada Hoose.

Ciidamada Shabaabul Mujaahidiin waxey dagaal culus ku qaadeen degmada Afmadow oo ka mid ah goobaha Kufaarta iyo Murtadiinta duulaanka kaga suganyihiin gobalka Jubbada hoose.

Ciidamada Shabaabul Mujaahidiin waxey si gaar ah u beegsadeen Labo saldhig oo gudaha degmadaasi ay ka sameysteen maleeshiyaatka Somalida ee daba dhilifka u ah askarta Saliibiyiinta Kenya.

Dagaalkan waxaa la isku adeegsaday hubka noocyadiisa kala duwan,iyadoona dhawaaqa rasaasta dagaalka si aad ah looga maqlay degmooyin iyo deegaano ka tirsan ka tirsan gobalka Jubbada hoose.

Labada saldhig ee ay weerareen ciidamada Shabaabul Mujaahidiin waxaa ku sugan maleeshiyaat Somali ah oo dhawaan saraakiisha cidiamada Kenya ay usoo dhameeyeen Tababar ciidan.

Dadka degmada waxey xaqiijiyeen in dagaalkaasi ka dhacay uu ka mid noqday dagaaladii ugu cuslaay ee mudooyinkii dambe ka dhacay degmadaasi walow si rasmi ah aan loo xaqiijin inta uu la egyahay khasaaraha maleeshiyaatka Murtadiinta kasoo gaartay dagaalkaasi.

Ciidamada Saliibiyiinta Kenya oo intii dagaalka socday wax gurmad ah usoo sameynin maleeshiyaatka maamulka gaala raaca Axmed Madoobe ee lagu weeraray labada saldhig ayaa markii dagaalka uu soo gaba gaboobay bilaabay iney madaafiic ku garaacaan howdka degmada Afmadow iyagoo ka cabsi qabo in weerar kaga yimaada ciidamada Shabaabul Mujaahidiin ee dagaalka ku qaaday Labada saldhig ee Murtadiinta ay ka sameysteen gudaha degmadaasi.

Calamada.com

Comments are closed.