Iyadoo maalintii shalay deegaanka Dac-dheer oo ka tirsan gobalka Galgaduud islamarkaana ah deegaan dhaca xadbeenaadka u dhaxeeya gobalka Galgaduud iyo dhulka Itoobiya xooga kaga heysata Somaliya uu ka qarxay dagaal u dhaxeeya maleeshiyaatka Ridada Liyuu Boolis iyo dadka shacabka ayaa waxaa saaka markale dagaalka dib kaga qarxay deegaankaasi.
Dagaalkan ayaa yimid kadib markii ay weerar soo qaadeen maleeshiyaatka Amxaarada ku adeegata ee Liyuu Boolis kuwaasi oo lagu jabiyay dagaalkii shalay ka dhacay deegaankaasi.
Dagaalka ayaa sidoo kale ku fiday gooba hor leh sida agagaarka deegaan lagu magacaaba Miir-cowleed oo gobalka Galgaduud ka tirsan’waxaana dadka deegaanka helayaan gurmad ballaaran oo dhanka ciidanka ah kaasi oo kaga imaanaya degmooyin iyo deegaana ka tirsan gobalka Galgaduud.
Maleeshiyaatka Amxaarada cusub ee Liyuu Boolis ayaa iyaguna helayo gurmad kaga imaanaya dhanka Cabdi Ileey oo ah wakiilka dowlada Itoobiya ee dhulka Somali Galbeed’waxeyna maleeshiyaatka Liyuu Booliska ee Ridada ah xasuuq kula dhaqaaqayaan dad iyo xoolaha ku dhaqan deegaanadaasi.
Dagaalkii shalay ka dhacay deegaanka Dacdheer ee gobalka Galgaduud ayaa dhimashadu waxey ku dhawdahay Labaatan meeyo ruux oo labada dhinac ah iyo dhaawaca tiro intaa ka badan’iyadoona sidoo kale maleeshiyaatka gaala raaca Liyuu Boolis ay gubeen guryo halkaasi ku yaalay.
Dagaalkan galay maalintii labaad ayaa imaanaya xilli maleeshiyaatka Liyuu Booliska ay ku amreen dadka ku dhaqan deegaanka Dac-dheer in gabi ahaan isaga guuraan deegaanka taasi oo qeyb ka ah dhul ballaarsiga ay wado dowlada Itoobiya islamarkaana ay ku dooneysa iney ku qabsata guud ahaan dalka Somali.
