Dhageyso Sheekh Abuu Muscab Oo Ka Hadlay Qaraxyada Muqdisho,Fariin Adagne Diray.

Taliska ciidanka Xarakada Shabaabul Mujaahidiin ayaa faah faahin dheeri ah ka bixiyay howlgallo xiriir ahaa oo saacadihii lasoo dhaafay ka dhacay xaafado katirsan magaalada Muqdisho.

Sheekh Cabdi Caziiz Abuu Muscab Afhayeenka Ciidamada Xarakada Al Shabaab ayaa shir Jaraa’id oo uu qabtay wuxuu hanjabaad kulul ugu jeediyay Maleeshiyaadka DF-ka ee koontaroollada ka sameystay degmooyinka gobolka Banaadir.

Wuxuu sheegay in Mujaahidiintu ay bilaabeen howlgallo istish-haadi ah oo ay ku beegsanayaan Koontaroollada ay maleeshiyaadka Xasilinta caasimadda ay ka sameysteen isgoysyada Muqdisho.

Maleeshiyaadka ayuu kula taliyay in ay isaga cararaan jidgooyooyinka haddii kale ay ku hooban doonaan weerarada istish-haadiga ah ee uga imaanaya dhanka Mujaahidiinta.

Dhinaca kale Sheekh C/Caziz Abuu Muscab ayaa shacabka Soomaaliyeed ee ku nool magaalada Muqdisho ugu baaqay in ay isaga fogaadaan dhammaan baraha Koontarool iyo isku imaatinnada ay ku suganyihiin Maleeshiyaadka dowladda.

“halkaan waxaan ka diyaraynaa laba Farriimood oo muhiim ah,midda koowaad koontarroolladaas dadka udhow ee muslimiinta ah oo magaalada Muqdisho kunool waxaan leenahay Koontaroolladu waa hadaf iyo bartilmaameed ay mujaahidiintu beegsan doonaan sida haddaba ay bilaabatay beegsigoodu waana socan doonaa insha’allaah,murtadiintaana waa lagu xasuuqi doonaa haddii ilaahey yiraahdo dadka muslimiinta ah ee halkaas ku sugan waxaan leenahay ka dheeraada maxaa yeelay madoonayo in wax dhib ah soo gaaro qof muslim ah ama dhiiggiisu xaq darro ku daato” ayuu yiri Sheekh Abuu Muscab.

Calamada.com

Comments are closed.