Afhayeenka ciidanka Mujaahidiinta, Shaykh C/Caziiz Abuu Muscab ayaa wareysi uu siiyay Idaacadda Islaamiga Andalus ku faafaahiyay weeraro kala duwan oo saacadihii la soo dhaafay ay Mujaahidiintu ka fuliyeen Wilaayaadka Banaadir, Sh/hoose iyo Baay, Isagoona sidoo kale ka warbixiyay weerarkii fashilmay ee xalay cadowga uu ku soo qaaday degmada Awdheegle oo ka mid ah degmooyinka ay xarakada Al Shabaab Maamusho.
Shaykh Abuu Muscab ayaa sheegay in xalay ciidamo Shisheeye oo watay laba diyaaradood ay soo weerareen degmada Awdheegle kuwaas oo markii ay u soo dhawaadeen saldhigga degmada lagala hortagay rasaas aad u culus.
Mar la weydiinay halka ay ka soo jeedaan ciidamada soo qaaday weerarka ayuu sheegay in ilaa hadda aanan la aqoonsan balse ay jiraan tuhuno farta lagu fiiqaya dowladaha dagaalka kula jira Mujaahidiinta, wuxuuna tilmaamay in weli ay socdaan dabagalada ku aadan arintaas.
“Waxaan Allaah ka dib u mahadcelineynaa ciidamada Xisbada gaar ahaan kuwii xalay fashiliyey howlgalkaas, waxay ciidamadan ay marwaliba ku amaanan yihiin nabadda iyo xasiloonida ay ka abuureen wilaayaadka Islaamiga,waxayna har iyo habeen yihiin kuwo gaafwareegaya magaalooyinka iyagoo ilaalinaya Amaanka iyo xasiloonada shacabka” ayuu yiri.
Shaykh Abuu Muscab ayaa sidoo kale ka warbixiyey qaraxyo saacadihii lasoo dhaafay ka dhacay magaalada Muqdisho gaar ahaan qaraxii Saldhig galbeed ee lagu dilay askar iyo saraakiil katirsan DF-ka.
Halkan ka dhageyso Wareysiga Abuu Muscab MP3
