Wararka ka imaanaya dalka Masar ayaa sheegaya in gabi ahaan la la’yahay diyaarad nooca rakaabka ah oo laga leeyahay Masar taasi oo markii ugu dambeysay kasoo duushay magaalada Paris ee dalka Faransiiska waxeyna kusoo jeeday dalka Masar.
Wasiirka duulimaadka Masar wuxuu sheegay in diyaaradda ay la socdaan 56 qof rakaab ah iyo 10 qof oo kamid ah shaqaalaha diyaaradda oo uu kamid yahay duuliyaha’iyadoona wararkii ugu dambeeyay ay sheegayaan in rakaabka iyo guud ahaan shaqaalaha diyaarada la socda tiradooda ay gaartay 69 ruux.
Rakaabka la socda diyaarada la la’yahay ayaa dhalasha ahaan kasoo kala jeeda dalalka kala ah Masar’Faransiis’sacuudi’Ciraaq’Kuweynt iyo Al-jeeriya ama Al-jazaa’ir’iyadoona ilaa iyo imika aan la ogaan sababta loo la’yahay diyaaradaasi iyo hadii la afduubtay.
Madaxweynaha Faransiiska oo warbaahinta la hadlay ayaa sheegay in ciidanka cirka Faransiiska ay ka qeyb qaadanayaan baadi goobka loogu jiro sidii diyaaraddaasi loosoo geli lahaa.
