Qoraal uu bartiisa Twitter-ka soo dhigay madaxwaynaha dowladda saliibiyada ah ee Maraykanka Donald Trump ayuu ku xaqiijiyay in isaga iyo xaaskiisa laga wada helay cudurka dilaaga ah ee Covid-19.
Donald Trump waxa uu sheegay in cudurka dilaaga ah laga helay isaga iyo xaaskiisa ka dib markii ay mareen haannaanka shaybaadhka ee lagu ogaado calaamadaha xanuunka, waxaana uu sheegay in isaga iyo xaaskiisaba si rasmiya looga wada helay cudurka dilaaga ah.
“Caawa, Marwada Koowaad iyo aniga waxaa lanaka helay COVID-19, Waxaanna si dhakhsa ah u bilaabaynaa karaantiil iyo soo kabasho” ayuu Trump ku yiri qoraal uu soo dhigay bartiisa Twitter-ka.
Maraykanka waxa faro kulul ku haya cudurka Covid-19 waxaana dhawaan Fayraska laga helay nin la taliye dhow u ahaa Donald Trump oo lagu magacaabo Hope Hicks waxaana maalmihii u dambeeyay fayraska uu kusii baahayay xarumaha dowladda.
Inka badan 212,700 oo ruux ayaa cudurka Covid-19 ugu geeriyooday gudaha dalka Maraykanka waxaana maalmihii u dambeeyay uu cudurku si wayn ugu sii baahayay gudaha dalkaasi.
Calamada.com
