Dowlada Mareykanka Oo Qiratay In Saraakiil Looga Dilay Weerar Kaabul Ka Dhacay.

Xilli maalmo ka hor ciidamo ka tirsan Katiibada Istish-haadiyiinta Imaarada Islaamiga Afghanistan weerar xoog ku gal ah ay ku qaadeen Hoteelka Intercontinental oo ah hoteel ay Yahuuda leedahay kuna yaala magaalada Kaabul ee caasimadda dalka Afghanistan waxaa sii kordhaya khasaaraha Mareykanka kasoo gaaray weerarkaasi.

Saraakiil u hadlay dowlada Saliibiyadda Mareykanka waxey xaqiijiyeen in weerarka hoteelka Kaabul looga dilay Afar isugu jirta Saraakiil iyo askar American ah kuwaasi uu ku jira sarkaal sare oo lagu magacaabi jiray Glenn Selig oo ahaa Afhayeenka la taliyihii ololaha doorashadii Trump ninka lagu magacaabo Rick Gates.

Glenn Selig oo ah sarkaalka lagu dilay weerarka hoteelka ku yaala Kaabul waxa uu hadda matalayey Rick Gates oo uu shaqadiisa hayey, sababo ku aadan in la taliye Rick Gates hadda uu shaqada ka maqan yahay kaasi oo ay ku furantahay eedeymo ku aadan faragelintii uu Ruushka ku sameeyey Doorashadii Mareykanka.

Sawirka kor idiin kaga muuqda waa Glenn Selig oo ah sarkaalka Americanka ah ee qeybta ka ah saraakiishii iyo askartii Mareykanka looga dilay weerarkii dhawaan lagu qaaday hoteelka Intercontinental ee magaalada Kaabul.

Saraakiisha iyo askarta Saliibiyadda Mareykanka ee duulaanka ku jooga dalka Afghanistan ayaa si xiriir ah ula kulmo weeraro dhiig bax ah oo kaga yimaada dhanka Mujaahidiinta Imaarada Islaamiga Afghanistan.

Calamada.com

Comments are closed.