Dowlada Ruushka Oo Sheegtay In Askar Looga Dilay Suuriya.

Khasaara xooggan ayaa ciidamada dowladda Ruushka kasoo gaaray weerar lagula beegsaday Bariga wadanka Suuriya.

War kasoo baxay wasaaradda Difaaca dowladda Ruushka ayaa lagu sheegay in ugu yaraan 4 sarkaal looga dilay weerar kedis ah oo xoogag hubeysan ay ku qaadeen kolonyo melleteri oo ku socdaalaysay gobolka Deyruzuur.

Wariyaasha soo tabiya dagaalka wadanka Suuriya ayaa sheegay in dagaallo culus ay shalay ka dhaceen galbeedka degmada Almayaadiin waxaana weerarkaas lala helay kolonyo ciidamo Ruush ah iyo maleeshiyaadka Nidaamka Bishaar Al-asad.

Xoogaga dowladda islaamiga ah ayaa sheegtay mas’uuliyadda weerarkan, dowladda Ruushka waxay sheegtay in ciidamadeedu ay ladagaallameen 43 dagaalyahan oo aad u hubeysan.

Dhimashada Afarta Askari ee Russian-ka ah ayaa imaanaysa xilli xukuumadda Moscow ay xulufadeeda Suuriya ugu baaqday in ay isku diyaariyaan bixitaan aan dhammeystirneyn.

Dowladda Ruushka ayaa duullaan gardarra ah ku qaaday wadanka Suuriya sanaddii 2015 waxayna ciidamadeedu geysteen xasuuq aan kala sooc laheyn oo ka dhan ah shacabka muslimiinta sunniga ah.

Comments are closed.