Wararka ka imaanaya magaalada Taciz ee dalka Yemen ayaa sheegaya in saacadihii lasoo dhaafay maleeshiyaatka Xuuthiyiinta ay madaafiic ku garaaceen magaaladaasi.
Madaafiicdan waxey Maleeshiyaatka Xuuthiyiinta ku garaaceen suuq aad u mashquul badan oo ku yaala magaalada Taciz taasi oo sababtay dad badan dhimasho iyo dhaawac ay ku noqdaan duqeyntaasi.
Ugu yaraan duqeyntaasi waxaa ku dhintay 17 ruux oo ay ku jiraan haween iyo caruur tiro kalane weey ku dhaawacmeen kuwaasi oo gabi ahaan ah dadkii ku sugnaay suuqa aadka u mashquulka badan.
Maleeshiyaatka Xuuthiyiinta ayaa kal hore go’doomiyay magaalada Taciz oo ah magaala dhacda dhanka Galbeed ee dalka Yemen.
Tan iyo markii dowladaha ay horkaceysa Sacuudiga duqeymaha ka bilaabeen dalka Yemen iyo weerarada Xuuthiyiinta waxaa ku geeriyooday ugu yaraan 3200’waxaana ku dhaawacmay inka badan 5700 oo badankooda ay ku dhinteen kuna dhaawacmeen duqeymaha isbaheysiga Sacuudiga.
Calamada.com
