Dawladda Xabashida Itoobiya ayaa markii ugu horeysay sheegtay iney aad uga xun tahay waxa ay ugu yeertay “marnaanta siyaasadeed” ee ka jirta deegaanada ay ka qabsadeen Xarakada Al-Shabaab iyagoona ku eedeeyay DF-ka ineysan buuxin Karin howsha loo baahan yahay.
Afhayeenka Wasiirka Arrimaha Dibadda dowlada Kufriga Xabashida Itoobiya gaalka lagu magacaaba Tuwelda Moligiita oo la hadlay wakaaladda wararka Turkiga ee Anaadool ayaa sheegay taxaddiyada ugu weyn ee ciidankooda ku heysta Soomaaliya iney ka mid tahay wax barnaamij siyaasadeed ah in uusan jirin oo loo hayyo dhulka ay ka qabsadaan Al-Shabaab.
Moligiita ayaa qiray in dhib badan ay ciidamadoodu ku wajahayaan gudaha Somaaliya, oo ay ugu weyn tahay saadka iyo maareynta deegaanada ay duulaanka ku qabsadaan.
Afhayeenka wasaaradda arrimaha dibadda Itoobiyaanka ah ayaa dhanka kale walwal ka muujiyay dhaqaalaha laga jaray Ciidamada Shisheeyaha Afrikaanka, waxaana uu arrintaas ku tilmaamay mid maja-xaabineysa waxa uu ugu yeeray guulihii ay soo hooyeen.
“Arrinta ah in la dhimayo dhaqaalaha waa ceego (dhuun qabasho), waa walwal weyn, waxey ka dhigan tahay. Horumarkii aan xaqiijinnay oo meesha ka baxay†ayuu yiri Tuwelda Moligiita.
Dawladda Kufriga Xabashida Itoobiya ayaa ciidankeeda ugu badan waxey ka dagaalamayaan gobollada Galgaduud,Gedo,Baay iyo Bakool, waxaana la rumeysan yahay in dalka ay ku soo xaaqeen kumanaan ciidamo ah oo aan u diiwan galsaneyn waxa loogu yeero “Howlgalka AMISOMâ€.
