Faahfaahin: 15 Askari Oo Kenya Looga Dilay Qarax Culus Oo Ka Dhacay Laamu.

Ugu yaraan 15 askari oo ka tirsanaa ciidamada millatariga dowladda Kenya ayaa ku dhintay qarax xooggan oo maanta ciidamada xarakada shabaabul Mujaahidiin ay ka fuliyeen deegaan ka tirsan gobolka Laamu oo ka mid ah gobollada sida aadka ah ammaankooda loo sugo.

Qaraxa oo ahaa mid aad u xooggan waxay Mujaahidiintu la beegsadeen kolonyo ciidamo Kenyaan ah oo ku socdaalayay inta u dhaxaysa deegaannada Kayunga iyo Shangani oo ka tirsan gobolka Laamu waxaanu qaraxa si gaar ah u haleelay gaari BG ah oo ay ka buuxeen ciidamo ka tirsan difaaca dowladda Kenyatta.

Ilo wareedyo laga soo xigtay saraakiil sare oo ka tirsan ciidamada shabaabul Mujaahidiin waxay sheegayaan in qaraxa oo ahaa mid xooggan uu galaaftay nolasha ugu yaraan 15 askari oo ka tirsanaa ciidamada KDF-ta dowladda Kenya halka 10 kalena ay ku dhaawacmeen waxaa sidoo kale burburay gaariga BG ee uu qaraxu haleelay.

Ilo wareedyadu waxay intaas ku dareen in dhaawacyada ciidamada dowladda Kenya qaarkood si aad ah looga dayrinayo waxayna xoguhu tibaaxayaan in dhaawacyada loola cararay cisbitaallada dowladda ee gobolka Laamu si halkaas loogu dabiibo intii ka badbaaday qaraxa Mujaahidiinta.

Halkan Kala Soco Wararka Deg Dega Ah Ee Website-ka Calamada.

Calamada.com

Comments are closed.