Saacadihii lasoo dhaafay waxaa gudaha degmada Beledxaawo ee gobalka Gedo qarax culus lagula beegsaday gaari uu lasocday gudoomiyaha dowlada Ridada federaalka ugu magacaaban degmada Beledxaawo kaasi oo lagu magacaaba Yuusuf Muxamed Kaadi.
Dhawaaqa qaraxa ayaa si aad ah looga maqalay xaafadaha kala duwan ee degmada Beledxaawo iyo deegaanada hoostaga’waxaana sidoo kale jugta qaraxa laga maqlay xaafadaha magaalada Mandheera oo ka mid ah dhulka Kenya xooga kaga heysata Somali.
Goob joogayaal ayaa sheegay in guddoomiyaha degmada Beled Xaawo uu si dirqi ah uga badbaaday isku day dil kadib markii qarax lala eegtay gaari uu la socday.
Tiro ka tirsan maleeshiyaatka ilaalada u ahaa gudoomiyaha dowlada Ridada ugu magacaaban degmadaasi ayaa dhimasho iyo dhaawac ku noqday qaraxa’iyadoona sidoo kale burbur xoogan uu soo gaaray gaariga gudoomiyaha isku dayga dilka ah ka badbaaday.
Wararka ayaa intaasi ku daraya in qaraxa uu ka dhashay walxaha qarxa oo gaariga guddoomiyaha lagu xiray, maleeshiyaad farabadan ayaa gaaray goobta qaraxu ka dhacay balse lamasoo sheegin qab qabasho ay dadka shacabka ah kula dhaqaaqeen.
Calamada.com
