Faahfaahin:Weerar Saraakiil Lagu Dilay Oo Ka Dhacay Biljamka.

Wararka ka imaanaya wadanka Biljimka ee qaaradda Yurub ayaa sheegaya in weerar khasaare dhaliyay uu ka dhacay wadankaas, kaas oo lagu qaaday askar katirsan ciidamada Booliiska.

Magaalada Liege oo dhacda bariga wadanka Biljimka ayuu weerarku ka dhacay, waxaana fuliyay ruux ku hubeysan mindi, kaas oo dhowr jeer toorrey la dhacay askar katirsaneyd Booliiska.

Saraakiil u hadlay Amaanka waxay sheegayaan in ruuxa weerarka fuliyay uu markii uu dhaawacay askari booliis ah ka qaatay qorigii uu watay, markaas kadibna ayuu rasaas nool nool la dhacay askarta booliiska, waxaana uu goobta ku dilay labo askari oo katirsaneyd Booliiska.

Ruux saddexaad oo ku dhexjiray gaari ku baakimnaa hareeraha wadada ayuu sidoo kale goobta ku dilay, waxaana ugu dambeyn ninkan weerarka fuliyay dilay ciidamada Booliiska.

Laamaha Amaanka waxay ka gaabsadeen iney ka hadlaan nooca weerarkan iyo waxyaabaha ay ku tuhmayaan, waxaana jira warar sheegaya in ruuxa weerarka fuliyay Isniintii lasoo dhaafay laga soo daayay xabsiyada dowladda Biljimka.

Comments are closed.