Francisco Madeira: Ciidamadii Soomaalida Ee Dagaalami Lahaa, Iyagaa U Baahan In La Ilaaliyo.

Kulan lagu qiimeynayey natiijooyinka duulaanka 10 sano jirsaday ee kufaarta Afrikaanta oo ka dhacay duleedka magaalada Nairobi ayaa wakiilka midowga Africa ee Soomaaliya ayuu wakiilka gaarka ah ee midowga Africa u qaabilsan Soomaaliya ka sheegay in ‘howlgalka AMISOM’ ee Soomaaliya uusan xaqiijin ujeedooyinkii laga lahaa oo ay ugu muhiimsaneyd in xasilooni guud lagu soo dabaalo wadanka.

Kulankan oo ay ka soo qeybgaleen Ergo iyo wafuud ka kala socotay dowladaha reergalbeedka ee Maalgeliya duulaanka Kufaarta Afrikaanta iyo Madax ka tirsan gaalada Afrikaanta ayaa Francisco Madeira wuxuu sidoo kale ku dalbaday ciidamo dheeraad ah si buu yiri dowlada cusub iyo ciidankeeda loogu suurageliyo in ay ka howlgalaan deegaanada laga xureeyey Xarakada Al-Shabaab.

“Hadda waan toban jirsanay, wax badan baan ku guuleysanay 10-kii sano ee u dambeeyey. Dowlada ayaan ilaalineynaa. Dowladaha gobalka ayaan ilaalineynaa. Waxaan taageernay labada doorasho” ayuu yiri.

Isagoo hadalkiisa sii wata ayuu sidoo kale soo hadal qaaday tag-darada ciidamada Soomaalida ah kuwaas oo uu sheegay in aysan awood u lahayn in difaacdaan magaalooyinka loo xureeyey, wuxuuna tilmaamay in ay yihiin ciidamo iyagaba u baahan in la ilaaliyo. “Kuwii aan dooneynay in ay dagaalamaan, Iyaga ayaaba naga doonaya in aan ilaalino oo aan ka ilaalino Al-Shabaab” ayuu yiri.

Waxaa la joogaa waqtigii aan shaacin lahayn in AMISOM aysan dooneynin in halkaan ay sii joogto weligiid. Marka dowlada Soomaaliya waa in ay ciidamo yeelato. Sidee taas lagu sameyn doonaa? Waxaan u maleynayaa in markale arintaas aan ogaanay. Arintaan waa in loo sameeyaa si isku mid ah. Waa maxay waxa la doonayo in si isku mid ah loo sameeyo waxaa ka mid ah. In aan soo dhisnaa ciidanka, waa in aan caawinaa dowlada si ay kaga howlgasho guud ahaan dalka, ayna xaliso dhibaatooyinka kala qeybinaya dadka Soomaalida” ayuu yiri Jose Madeira.

Ciidamada Kufaarta Afrikaanta ee duulaanka ku jooga qeybo ka mid ah Konfurta iyo Bartamaha dalka Soomaaliya ayaa si toos ah ugu fashilmay qorshihii ay ugu soo duuleen dalka Soomaaliya’waxeyna wararo joogta kala kulmaan ciidamada Xarakada Shabaabul Mujaahidiin.

Calamada.com.

Comments are closed.