Aroornimdii hore ee saaka ayaa iska hor’imaad u dhaxeeya ciidamada Yahuuda iyo dadka Muslimiinta reer Falistiin waxa uu ka dhacay qeybo ka mid ah dhanka Waqooyi ee magaalada Qudus oo ka mid ah dhulka Yahuuda xooga kaga heysata Muslimiinta Reer Falistiin.
Iska hor’imaadka ayaa yimid kadib markii ciidamada Yahuuda isku dayeen iney xoog ku galaan kaamka Qalindiya oo ku yaala dhanka Waqooyi ee magaalada Qudus’iyadoona dhalinyarada Muslimiinta reer Falistiin la xaqiijiyay iney gubeen mid ka mid ah gaadiidkii ay wateen ciidamada Yahuuda.
Warbaahinada caalamka ayaa sidoo kale baahiyay in iska hor’imaadkaasi ciidamada Yahuuda ay ku dileen wiil dhalinyaro ah oo da’diisa lagu qiyaasay 22 jir kaasi oo madax ay ka haleeshay rasaasta Yahuuda’waxaana sidoo kale rasaasta ciidamada Yahuuda ku dhaawacmay 12 ruux oo Muslimiinta reer Falistiin oo ka mid ah dadka ku nool kaamka ay ciidamada Yahuuda weerareen.
Sidoo kale waxey ciidamada Yahuuda saaka aroortii weerar ku qaadeen Masjidka Barakeysan ee Al-aqsaa’iyagoona la xaqiijiyay in Yahuuda oo aad u hubeysan ay Masjidka ku weerareen dad Muslimiin ah oo ku dukanayay gudaha Masjidka.
Dhanka kale hogaanka ugu sareeya ururka Shiiciga ah ee Xizbullaah ayaa shaaciyay in dagaal ka dhacay qeybo ka mid ah gobalka Xalab lagu dilay taliyihii ciidamada Kumandooska ee xizbigaasi.
Tvga Shiiciga ah ee Al-Manaara aya baahiyay bayaan kasoo baxay Xisbiga, kaas oo loogu tacziyeynaya geerida Cali Fayaad oo ahaa Taliyihii guud Ciidamada sida gaarka ah u tababaran ee Kumaandooska.
Sarkaalkan ayaa bilowgii todobadkan waxaa lala dilay labo Askari oo Ilaaladiisa gaarka ah kamid ahayd, iyagoo ka dagaalamayay qeybo ka mid ah gobalka Xalab ee dalka Suuriya.
Calamada.com
