Hooyo Iyo Caruurteeda Oo Ku Geeriyooday Dab Ka Kacay Gurigooda.

Khasaara xoogan ayaa ka dhashay dab habeenkii xalay ka kacay guri ku yaala degmada Yaaqshiid ee magaaladan Muqdisho.

Dabkan ka kacay guriga waxa uu sababay dhimashada Hooya iyo Lix Caruur ah oo ay dhashay,sidoo kale dabkan waxaa ku dhaawacmay Aabihii qoyskaasi,iyadoona arintaan ay aad uga naxeen bulshada ku dhaqan degmada Yaaqshiid.

Si rasmi ah looma xaqiijin waxa sababay dabkan,guud ahaan waxaa wada geeriyooday dadkii ka koobnaay Qoyska uu gurigooda dabka ka kacay marka laga reebo Aabaha Qoyska oo isagana uu dhaawac soo gaaray lana geeyay goobaha Caafimaadka Muqdisho.

Dabkan ayaa socday Saacado xiriir ah taasi oo sabab u noqotay in Dabka uu geysto khasaara Nafeet oo aad u baaxad weyn,sidoo kale dabku waxa uu geystay Khasaara Hantiyadeed.

Muuse Malaay.

Calamada Online.

Mogadishu, Somalia.

Comments are closed.