Ciidamada Mujaahidiinta Imaada islaamiga ah ee Afghanistan ayaa markale waxay Weerar ballaaran ku qaadeen Magaalada Qunduuz ee dhacda bariga dalka Afghanistan, halkaas oo dhowr bilood ka hor ay dagaal kula wareegeen, inkastoo markii dambe ay isaga baxeen.
Afhayeenka Mujaahidiinta Daalibaan Sheykh Dabiixullaahi Mujaahid waxa uu sheegay in Cutubyo ka tirsan Mujaahidiinta oo si weyn u hubeysan in shalay gelinkii dambe ay weerarro ku ekeeyeen Saldhigyo ay Cadowgu ku leeyihiin magaalada Qunduuz iyo deegaannada ku hareereysan, isagoona tilmaamay inuu dhacay dagaal aad u qaraar oo khasaare xooggan sababay.
Sheykh Dabiixullaahi Mujaahid waxa uu qeexay in Mujaahidiinta Imaarada islaamiga ee Afghanistan ay la wareegeen Xarumo iyo Saldhigyo Meliteri oo ay ka carareen Maleeshiyaadka Xukuumadda daba dhilifka ah ee Kaabuul, wuxuu sidoo kale sheegay in Mujaahidiintu ay halkaas ka heleen Hub iyo Saanad Meliteri oo ay lahaayeen Maleeshiyaadka daba dhilifyada ah.
Gudoomiyaha Gobolka Qunduuz ee Xukuumadda Kaabuul ninka lagu magacaabo Asadullaah Qamar Kheyl ayaa isna qiray duullaanka ay Mujaahidiinta Daalibaan kusoo qaadeen magaalada Caasimadda u ah Gobolkaasi iyo tuulooyinka ku dhow dhow, wuxuuna ku faanay inay iska difaaceen Weerarkaasi, balse si dhab ah uma sheegin khasaarha rasmiga ah ee Ciidankooda kasoo gaaray dagaalladii cuslaa ee ay soo qaadeen Mujaahiiinta Daalibaan.
Sidoo kale ciidamada Mujaahidiinta ayaa dhulka soo dhigay shan diyaaradood oo ah noocyada duuliya la’aanta ee dowlada Nasaarada Mareykanka kadib weeraro xoogan oo ciidamada Mujaahidiinta ay ka fuliyeen qeybo ka mid ah gobalka Helmand ee dalkaasi.
Weerarada ballaaran ee Mujaahidiinta Daalibaan ay ku qaadeen Gobalada Helmand iyo Qunduuz waxey imaanayaa dhowr maalmood kadib markii Imaarada islaamiga ah ee Afghanistan ay ku dhawaaqday Xamlada Sanadlaha ah ee Gu’ga, iyadoona Imaarada islaamiga ah ay wacad ku martay inay sii laba-laabi doonto howl-gallada ka dhanka ah Ciidamada Saliibiyiinta Nato iyo Xukuumadda da dhilifka ee Kaabuul.
Calamada.com
