Wargeyska Washington Post ee kasoo baxa dalka Mareykanka ayaa daabacay warbixin dheer oo ay soo saartay hayad galeedda Human Rights Wacth taasoo sheegta inay u doodda Xuquuqda aadanaha, waxaanay warbixintani diiradda ku saartay Xasuuqa ba,an ee ay dowladda Kenya ku heyso dadka soomaaliyeed ee ku nool Soohdin beenaadka ay Kenya la wadaagto Soomaaliya, iyo sidoo kale dhulka la isku yiraahdo N.F.D ee Kenya gumeysato.
Warbixintan oo ahayd mid aad uu dheer ayay Human Rights kaga hadashay dhibaatada joogtada ah ee loo geysto dadka soomaaliyeed ee ku dhaqan gobolka Mandheera oo ka mida dhulalka Soomaalidu leedahay ee ay Kenya xoogga ku heysto.
Human Raight waxay warbixintan ku sheegtay inay diiwaan galisay 88 kiis oo ay Ciidamada Kenya gaar ahaan kuwa Milatariga ee loo yaqaan KDF-ta ay kula kaceen shacabka Soomaaliyeed ee deegaannadaasi ku sugan.
Hayad galeeddan ayaa si gaara warbixintan kaga diyaarisay deegaan lagu magacaabo Kutulu oo ka mida deegaanada hoos taga magaalada Mandheera ee ay dowladda Kaafiradda Kenya xoogga nooga heysato.
Warbixintan uu daabacay Wargeyska Washiton Post ayaa lagu xusay in dadka Soomaalida ah ee ku nool tuulada Kutulu ay had Iyo goorba Cabsi ka qabaan Ciidamada Kenya.
“Waan cararnaa oo waliba dhuumanaa mar kasta oo aan helno khabar sheegaya in ciidamadu soo socdaan” waxa sidaasi yiri Ciise Axmed oo ka mida dadka ku nool tuulada Kutulu
Ciise waxa uu intaa ku daray in cabsida ay ka qabaan ciidmaada Kenya darteed ay ku qasabtay inay ku dhuuntaan godad dhulka hoostii u qodan.
Hayaddan Human Rights ayaa sidoo kale sheegtay inay la kulmeen dad ka badbaaday gacanta Saliibiyiinta Kenya kuwaasi oo ka gaabsaday inay bixiyaan,
Sharraxaad ku aadan tacaddiyadaha ay kala soo kulmeen intii ay ku jireen gacanta Kenya
Warbixintan uu daabacay Wargeyska Washitng Post ayaa sidoo kale lagu sheegay nin lagu magacaabo Maxamed Cilmi oo ka mida dadka ku dhaqan deegaanka Kutulu “Kenyaatigu waxay doonaan ayay sameeyaan mana jirto cid la hadasha amaba naga celisa” waxaa sidaasi Human Rights ku yiri Maxamed Cilmi.
Sidoo Kale warbixinta Human Rights watch ayaa lagu xusay Alle ha u naxariistee C/qaadir Cilmi, oo ahaa mocalin dugsi qur,aan ka dhigi jiray tuulada kutulu, waxaana ay Ciidamada milatariga Kenya kala baxeen xilli uu ku jiray gudaha madarasadiisa, iyagoona goor dambe meydkiisa soo dhigay deegaan u dhow Kutulu oo lagu magacaabo Caws Mudul taasoo ay aad uga naxeen dadka soomaaliyeed ee deegaanadaasi ku nool.
Maxamed Cilmi oo adeer u ahaa c/qaadir ayaa hayad gaaleedani u sheegay inay Cabsi Iyo dareen ku seexdaan habeen kasta,
Cadowtooyada gaamurtay ee ay dowladda kaafiradda Kenya u heyso dadka Soomaaliyeed ayaa ah mid soo jiraan ah iyadoona la wada xasuusto xasuuqii ay Kenya ka geysatay 10- kii Febraayo sannadkii 1984 tii deegaanka Waagala oo qiyaas ahaantii 15 Km dhanka galbeed kaga beegan magaalada Wajeer, waxaana ay Kenyaatigu dhacdadaasi xanuunka badnayd ay hal meel kuwada dileen dad gaaraya 5000 oo Soomaali ah.
