Imaarada Islaamiga Afghanistan Oo La Wareegtay Degmo Muhiim Ah.

Ciidamada Mujaahidiinta Imaarada Islaamiga Afghanistan ayaa si buuxda ula wareegay degmo istiraatiiji ah oo dhacda dhanka Galbeed ee dalka Afghanistan.

Degmada istiraatiijiga ah ee ciidamada Mujaahidiinta Imaarada Islaamiga Afghanistan ay la wareegeen ayaa ah degmada Wagit oo ka mid ah degmooyinka ugu waaweyn gobalka Gazni ee dalkaasi.

Qoraal kasoo baxay afhayeenka Imaarada Islaamiga Afghanistan Sheekh Dabiixullaahi Mujaahid ayuu ku xaqiijiyay in ciidamada Mujaahidiinta si buuxda ula wareegeen gacan ku heynta degmada Wagit.

Sidoo kale Sheekha ayaa xusay in dagaalkaasi dhimasho iyo dhaawac ay ku noqdeen askar fara badan oo ka tirsan maamulka daba dhilifka Kaabul.

Ciidamada Mujaahidiinta ayaa dagaalka ay kula wareegeen gacan ku heynta degmada Wagit ku gubay Todobo Taangi waxeyna ganiimeysteen oo gacanta ay ku dhigeen Saddex Taangi.

Dhanka kale qarax ka dhacay deegaanka Cabdi Bay oo ka tirsan gobalka Barwan waxaa lagu burburiyay gaari Taangi ah waxaana lagu dilay afar askari American ah oo qeyb ka ahaa askartii la socotay gaariga ay miinada burburisay.

Calamada.com

Comments are closed.