Khilaaf Ka Taagan Qofka R/wasaare Ka Noqonaya Itoobiya Iyo Qoyska Males Zenaawi Oo Cadaadis lasaaray [Warbixin].

War rasmi ah oo kasoo baxay Ruwanda ayaa lagu mamnuucay in Masaajidda Muslimiinta cod baahiyayaal looga aadaamo xilliyadaha salaadaha Faradka ah.

Dowladda Ruwaanda oo ah Kirishtan ayaa ku amartay hoggaamiyaasha muslimiinta laga tirada badanyahay in ay joojiyaan adeegsiga Makarafoonnada.

Duqa magaalada caasimadda ah ee Kigaali ayaa warbaahinta u xaqiijiyay in uu dhaqan geli doono amarkan ka dhanka ah muslimiinta “waxaan soo saarnay xeerar cusub oo lagu xadaynayo goobaha cibaadada waddanka, hoggaamiyaasha muslimiinta waa lakulannay waxayna noo sheegeen in ay u hoggaansamayaan qawaaniinta cusub” ayuu yiri Charles Evaguziga oo u hadlay dowladda Ruwanda.

Sheekh Salem Hitimana oo kamid ah culimaa’udiinka muslimiinta Ruwanda ayaa ka jawaabay go’aankan cusub ee lagu mamnuucay in codbaahiyayaasha masaajidda looga addimo wuxuuna sheegay in uu yahay go’aan gardarra ah.

“waa go’aan wareer nagu abuuray dhinacyada soo saaray ayaan lakulmi doonaa si aan u ogaanno ujeeddooyinka ka dambeeya” ayuu yiri sheekh Salem Hitimana

Jamciyadda muslimiinta leeyihiin ee ugu weyn wadanka Ruwanda ayaa iyana sheegtay in go’aankan yahay mid xadgudub ku ah muslimiinta, agaasimaha jamciyadda ayaa BBC-da u sheegay in go’aankan uu yahay mid halis ah wuxuuna soo jeediyay in codbaahiyaasha lagaabiyo balse in lamamnuuco aysan aheyn wax ay ogolaan karaan muslimiinta.

Dowladda Ruwanda ayaa dhowaan xirtay 700 oo isugu jiro Kaniisado iyo masaajiddo waxayna qeyb ka tahay qorshayaal ay ugu magac dartay fulinta qaanuunka cusub ee arrimaha diinta.

Comments are closed.