Khilaafka Maamulka Farmaajo Oo Sii Xoogeystay Iyo Jawaari Oo Eedeyn Kulul U Jeediyay R/wasaaraha.

Markii ugu horraysay guddoomiyaha Baarlamaanka Dowladda Federaalka ayaa si toos ah Xasan Cali Kheyre ugu eedeeyay in uu wado qorshayaal uu ku burburinayo baarlamaanka.

Max’med Cismaan Jawaari oo shir Jaraa’id ku qabtay magaalada Muqdisho ayaa sheegay in khilaafka ka dhax jira xildhibaannada Baarlamaanka lagasoo hurinayo Xafiiska R/wasaaraha.

Jawaari oo umuuqday Mid ka niyad jabsan in xal laga gaaro khilaafka ayaa ku dheeraaday ka hadalka waxqabadkiisi tan iyo sanadii 2012 oo uu madax u ahaa baarlamaanka.

“waxaa mooddaa in R/wasaaruhu uu kasoo tala qaadanayo Injineerradii kusoo taqasusay burburinta baarlamaankii sideedaad waxaan leenahay arrintaas ka waantoow”ayuu yiri Jawaari.

 

 Wuxuu sheegay in uu dhammaaday waqtigii mooshinka isaga kayaal cod lagelin lahaa sidaas darteed uu mooshinkaasi fashilmay isagoo xildhibaannad a ku wargeliyay in ay kasoo qeyb galaan kulamada furmi doono maalinta Sabtida.

Dhinaca kale Cabdi Wali Muudeey oo ah guddoomiye ku xigeenka koowaad ee Baarlamaanka ayaa warsaxaafadeed uu soo saaray ku sheegay in mooshinka ka dhanka ah Jawaari cod lagelin doono maalinta Sabtida.

Ismariwaaga ka dhax taagan guddoonka Baarlamaanka ayaa umuuqda in ay gadaal ka riixayaan xafiisyada Farmaajo iyo Kheyre oo aan la dhacsaneyn qaabka uu shaqada uwado Jawaari.

Waxaa guul darreystay dhax dhaxaadin ay wadeen dowladaha ciidamadoodu kusoo duuleen Soomaaliya iyo saraakiil caddaan ah oo ku sugan Xerada Xalane.

Hoos Ka Daawo Cabashada Jawaari

Comments are closed.