Wararka naga soo gaaraya deegaan lagu magacaabo Buula Jadiid oo qiyaastii 22KM koofur galbeed kaga toosan magaalada Tiyeeklow ee gobolka Bakool ayaa sheegaya in dagaal culus uu ku dhexmaray ciidamada Xarakada Mujaahidiinta Alshabaab iyo maleeshiyaatka dowlada Ridada federaalka.
Wararka ayaa intaas ku daraya in maleeshiyaadka dowlada oo aad u fara badnaa oo kasoo baxay degmada ay doonayeen iney dhac u geystaan ay tuulooyin hoos taga degmada Tiyeeklow, balse ay la kulmeen weerar qorsheysan oo kaga yimid dhanka Xarakada Mujaahidiinta Al-Shabaab.
Dadka deegaanka ayaa xaqiijiyay in Maleeshiyaadka Ridada dagaalkaasi looga dilay 17 askari kuwaas oo meydadkooda maleeshiyaatka dowlada uga carareen goobtii lagu dagaallamay, waxaana askarta la dilay ka mid ah sarkaalkii watay Maleeshiyaadka oo magaciisa lagu soo gaabiyay Ilyaas.
Hub isugu jira AK47 iyo kuwa darran-doorriga u dhaca ee BKM, PKT, iyo RPD ayaa laga furtay maleeshiyaadka DF, waxaana la xaqiijinayaa in hadda ay Ciidanka Xarakada Shabaabul Mujaahidiin gacanta ku hayaan deegaankii lagu dagaallamay.
Calamada.com
