Xoghayaha Wasaaradda Ciidamada Cirka ee Dowladda Saliibiyada ee Mareykanka haweeneyda lagu magacaabo Deborah Lee James ayaa sheegtay in 19 duuliye oo Mareykan ah inay dhinteen tan iyo bishii August ee Sannadkii lasoo dhaafay, iyadoo ka gaabsatay inay faah faahin ka bixiso howl-galladii ay ku dhinteen duuliye-yaashaasi.
Qoraal ay ku qortay bogga ay Twitterka ku leeyihiin Ciidamada Cirka ee Mareykanka aya waxay ku tiri : “ maalin walba waxaa jira duuliye-yaal naftooda halis gelinaya, tan iyo bishii August ee Sannadkii aan soo dhaafnay waxaan khasaarinay 19 duuliye, kuwaas oo geeriyooday xilli ay ku guda jireen dagaalka ay ugu halgamayaan [waxa ay ugu yeertay] xorriyaddaâ€.
Shir Jaraa’id oo maalin ka hor ay ku qabatay Xafiiska Wasaaradda Gaashaandhigga Mareykanka ee The Pentagon ayaa haweeneydani ku magacaaban xoghayaha Ciidamada Cirka waxay diiday inay ku faah faahiso qaabkii ay ku dhinteen duuliye-yaashaasi, hase yeeshee waxaa loo badinayaa in badankood ay geeriyoodeen markii diyaaradihii ay la socdeen lagu soo riday ama Shilal ay ku galeen dalalka Ciraaq, Suuriya iyo Afghanistan.
Dhinaca kalena Sarkaal ka tirsan Wasaaradda Gaashaandhigga Dowladda Saliibiyada ee Mareykanka ayaa sheegay in diyaarad dagaal oo ay leeyihiin Ciidamada Meliteriga in maalintii Sabtidii ee lasoo dhaafay ay kusoo dhacday qeybo ka tirsan dalka Ciraaq, isagoona xusay in lasoo bad baadiyay Afar duuliye oo diyaaraddaasi la socotay.
Inkastoo Sarkaalkan uusan sheegin goobta rasmiga ah ee diyuuraddaasi ay kusoo dhacday ayaa haddana xoogagga Mujaahidiinta ee ka dagaallama dalka Ciraaq waxay maalintii Axaddii ee lasoo dhaafay ay shaaciyeen in diyaarad dagaal oo Mareykanku leeyihiin inay kusoo rideen meel ku dhow magaalada Arbiil ee Waqooyiga dalkaasi.
