Iyadoo saacada ka hor ciidamada Kufaarta Xabashida Itoobiya iyo maleeshiyaatka dowlada federaalka ay isaga baxeen degmada Aadan Yabaal oo ka tirsan gobalka Shabeelada dhexe ayaa waxaa isa soo taraya wararka laga helayo degmadaasi.
Wararkii ugu dambeyay ayaa sheegaya in ciidamada Xarakada Shabaabul Mujaahidiin si buuxda ula wareegeen gacan ku heynta degamada Aadanyabaal oo ah degmo istiraatiiji ah oo ka tirsan Shabeelada dhexe.
Dadka shacabka oo si aad ah u faraxsan ayaa isugu soo baxay wadooyinka degmada’iyadoona lagu wada in saacadaha soo socda mas’uuliyiinta maamulka Islaamiga Xarakada Shabaab u qaabilsan degmada Aadan Yabaal dadka magaalada goob fagaara ah kala hadlaan.
Sidoo kale gudaha degmada waxaa laga dareemayaa dhibaatooyinkii ciidamada Xabashida Itoobiya iyo maleeshiyaatka dowlada Ridada ka geysteen degmada mudadii labada maalin ah ee ay heysteen degmada’waxaana ugu dambeeyay dhac baahsan oo maleeshiyaatka dowlada ay ka geysteen degmada markii ay kasii baxayeen.
Calamada.com
