Ciidamada Mujaahidiinta Imaarada islaamiga ah ee Afghanistan ayaa saacadihii lasoo dhaafay dagaal kula wareegay Seddax Saldhig oo Maleeshiyada Xukuumadda daba dhilifka ee dalkaasi ay ku lahaayeen Waqooyiga magaalada Caasimadda ah ee Kaabuul.
Afhayeen u hadlay Ciidamada Booliiska ayaa sheegay in dagaalyahannada Daalibaan ay saldhigyadaasi qabsadeen kadib iska hor imaadyo culus oo ka dhacay duleedka magaalada Bal-Khamri ee Xarunta Gobolka Baglan ee Waqooyi galbeed kaga beegan magaalada Kaabuul.
Waxa uu tilmaamay Afhayeenku in dagaalkaasi uu sababay khasaare xooggan, inkastoo uu ka gaabsaday inuu faah faahiyo khasaaraha Ciidankooda kasoo gaaray dagaalkaasi, laakiin goob joogayaal ayaa ku warramay in dagaalka lagu dilay toboneeyo Askari oo Afghaaniyiin ah.
Dad goob joogayaal ah oo sidoo kale la hadlay Wakaaladda Wararka ee Reuters waxay sheegeen in Ciidmada Mujaahidiinta Daalibaan ay weli maamulayaan goobihii shalay ay dagaalladu ka dhaceen ee Gobolka Baglan, iyadoona Mujaahidiintu ay dhowr jeer fashiliyeen isku dayo ay Maleeshiyaadka daba dhilifyada ah ku doonayeen inay dib ugu qabsadaan Saldhigyadii lagala wareegay.
Ciidamada Mujaahidiinta Daalibaan ayaa sii xoojiya weerarrada ay qaadaan marka la gaaro xilliga Gu’ga, waxaana Mujaahidiintu ay markaas qaadaan dagaallo iyo xamlooyin waaweyn oo ay ku beegsanayaan Saldhigyada iyo Xarumaha ay ku sugan yihiin Maleeshiyaadka daba dhilifyada ah iyo Ciidamada Gaalada Nato ee xoogga ku jooga dalka Afghanistan.
