Murusade Iyo Maxamuud Hiraab Oo Maraykanka Ku Eedayay Inuu Shacab Ku Laayay Galgaduud.

Ugaasyada beelaha Murusade iyo Maxamuud Hiraab oo waraysi siiyay Idaacadda Islaamiga ee Al-Furqaan ayaa ka hadlay duqeyntii dhawaan diyaaradaha Maraykanka ka fuliyeen inta u dhexeysa magaalada Ceelbuur iyo deegaanka Dac ee gobolka Galgaduud, duqeyntaas oo ay ku dhinteen dad shacab ah oo ay ku jiraan Ugaasyo caan ah.

Ugaaska beesha Murusade Ugaas Cabdullaahi Daahir Axmed ayaa sheegay magacyada shanta Ruux ee Maraykanku ku tilmaameen inay ahaayeen xubno katirsan Xarakada Mujaahidiinta Al-Shabaab ee ku dhintay duqeynta, waxayna kala ahaayeen.

1-Nabadoon Cali Maxamad Waasuge (Cali Hareed) wuxuu ahaa dhaqtar kab Soomaaliyeedka yaqaana oo reer miyiga daweeya.

2-Nabadoon Yuusuf Maxamad Dhagey, wuxuu sidoo kale ahaa Abwaan si aad ah looga garanayo Bariga Galgaduud.

3-Ciise Daahir Cali Mire wuxuu ahaa nin dhallinyaro ah oo xoolaha safarka ah ee beeca ah loo dhiibo, kaasoo shan maalmood ka hor dilkiisa kasoo laabtay magaalada Muqdisho kadib markii uu xoolo geeyay.

4-Luuley Daahir Muxumad oo ahayd gabar maqaaxi ku lahayd Ceelbuur dadkuna ay wada garanayeen.

5-Maryan Shiilow oo ahayd gabar 1 sano oo qura jirtay islamarkaana ay dhashay Luuley Daahir Muxumad.

Ugaas Ciise Ugaas Maxamed; Ugaaska Duduble

Dhanka kale Ugaaska beesha Maxamuud Hiraab ee Duduble ayaa beesha Murasade ee ay walaalaha yihiin wuxuu uga tacsiyeeyey dadka ay Maraykanku ka dileen, wuxuuna sheegay in markan ay ogaadeen in Maraykanku aanu kala sooceynin Shacab iyo Mujaahid toona.

Halkan ka dhagayso Ugaas Cabdullaahi Daahir Axmad Ugaaska Murusade

Halkan ka dhagayso Ugaas Ciise Ugaas Maxamad Ugaas Faarax Ugaaska Maxamuud Hiraab

Comments are closed.