Warar dheeraad ah ayaa kasoo baxaya weerar dhiig badan ku daatay oo ka dhacay magaalo katirsan wadanka Faransiiska ee qaaradda Yurub.
Maamulayaasha Faransiiska ayaa xaqiijiyay in 84 qof oo 2 kamid ah ay yihiin Mareykan lagu dilay weerar uu ruux muslim ah u adeegsaday gaari xamuul ah.
Weerarka oo dhacay xalay Fiidkii ayaa beegsaday isku imaatin ay ku sugnaayeen kumanaan qof dad Faransiis ah oo xilligaasi dhigayay dabaal degga maalinta Ciidda Maxalliga Faransiiska.
Gaari Xamuul ah oo uu kaxaynayay Nin Muslim ah oo kasoo jeeda wadanka Tuunis ayaa dhax jiiray dad Faransiis ah oo xilligaasi cirka utuurayay Baaruudda Bulaleyrka si ay u muujiyaan farxadooda ku aaddan maalinta xuriyadda wadanka balse farxadda ayaa daqiiqado gudahood isku bedeshay murugo iyo dhiig dhulka ku qulqula.
Booliska magaalada Nice ayaa warbaahinta u sheegay in 18 qof oo ku dhaawacmay weerarka xaaladooda caafimaad ay aad u liidato, Max’med Laxweej Buu Hilaal oo kasoo jeedo wadanka Tuunis ayaa gaarigiisa xamuulka ah jiirsiiyay isku imaatino shacab ah.
Afhayeenka ciidanka Booliska Faransiiska ayaa wakaaladda AFP u sheegay in ruuxa weerarka fuliyay uu sanadadii lasoo dhaafay liiska dadka halista ah ugu jiray laamaha ammaanka balse kuma calaamadeysnayn dambiya loogu yeero Argagaxisada.
Madaxweyne Faransiiska oo khudbad jeediyay ayaa weerarka NICE ku tilmaamay mid Argagaxiso sababtoo ah waxaa fuliyay ruux muslim ah!.
Muuqaallo lagu baahiyay bartaha Internetka waxaa kasoo muuqaanayay Max’med Laxweej Buu Hilaal oo gaarigiisa xamuulka ah si xowlli ah u dardarsiinaya dad Faransiis ah oo fagaaraha weyn ee magaalada NICE ku caweynayay Halkan ka degso gaariga oo dadka Jiiraya MP4.
Ciidamada Booliska ayaa saacad kadib waxay toogteen Ninkii kaxaynayay gaariga xamuulka ah, iyadoona isbitaallada waaweyn ee Faransiiska la dhigay dhaawacyo kala duwan halkan ka degso Booliska oo tooganaya wadaha gaariga xasuuqa geystay MP4
Caalamka oo idil ayaa bilaabay in uu la baroorto dadka shacabka ah ee lagu dilay weerarka NICE halka dadka muslimiinta maalin walba lagu Xasuuqo Suuriya’Somali’Afghanistan’Maali’Falistiin’Ciraaq iyo wadamo badan oo dhulka Islaamka ka tirsan kuwaasi oo aanay jirin cid la tacaadufaysa oo la murugoonaysa.
